Diahuebs atardi, ex Minister Otmar Oduber a yama un rueda di prensa, pa asina e exprea su repudio riba e caso Flamingo.
Na cen chikito el’a trece dilanti cu tur e acusacionnan cu tin riba mesa for di e departmento secreto di polis “BCI” ta falso. Ta trata di 7 acusacion cual tur ta basa riba informacion robes.
Asina el’a trece dilanti cu nan ta acuse di a duna tereno pa construi Hyatt Hotel na Airport, siendo cu e tereno tabata eigendomsgrond y e doño a cumpra e tereno y no a haye for di Gobierno.
Nan a acuse di a duna un dama un tereno, cual ta mes famia di doño di Hyatt na Airport. E inforamcion ey ta incorecto, pasobra nan tin mes un faam, pero ta full otro persona. Tambe nan ta acuse di a haya placa pa otorga tereno for di Venezolano. Aki Otmar Oduber a bisa cu durante su 2 aña como minister di infrastractura, e no a duna ni 1 Venezolano un tereno. Pues otro acusacion falso.
Otmar Oduber su rueda di prensa ta haci cu e motibo pa asina Ministerio Publico por tuma un decision riba su caso y cu e no por keda sospechoso pa enternidad. E caso mester por yega un final, sea tin algo y lo hibe huez, of lo seponeer y cera e caso.
Caso Flamingo despues a converti den Spiritonan di Marisol, pasobra Marisol a entrega keho contra Otmar. Aki tambe huez a bari e punto aki for di mesa y Otmar a bisa cu e tin tur documento cu Marisol ta gaña.
