Informe cu a drenta ta indica cu ex minister Otmar Oduber lo keda liber diabierna atardi.
El’a keda deteni dia 10 di Mei 2022 y pa dia 20 di Mei 2022 e ta sali liber.
Den comparacion cu otro casonan di igual acusacion, mester bisa cu Otmar Oduber a keda hopi menos dia encarcela cu ex Minister Paul Croes y ex Minister Benny Sevinger, cual ambos a keda 60 dia cera pa investigacion.
E corto duracion ta indica cu e acusacionnan contra Otmar ta di hopi menos indole y tambe cu Otmar por a pasa rapidamente riba esclarece tur pregunta di husticia.
Otmar Oduber semper a bisa cu e berdad lo sali na cla y cu e ta inocente. Loke ta acuse di dje, ta net contrario, pasobra te a drecha maneho y hasi e maneho di tal forma pa pone paro na corupcion.
Cu Otmar awor den libertad, por conclui cu Ministerio Publico por tin 6 luna pa prepara un caso (si encaso tin) pa asina hiba pa mesa berde.
Esey lo hiba nos e ora na Januari 2023, unda kisas si tin caso, e lo cuminza.
