“ Ora mira con minister di transporte ta maneha e cartera unda cu entre otro un compania manera Aruparking cu ta un compania cu tabata gana y produci riba 2.5 miyon florin tempo cu e la keda introduci, no por saca otro conclucion cu politica y politiconan sin vision ta perhudica seriamente e operacion di e companianan aki”, asina ex minister di transporte Otmar Oduber a trece dilanti e siman aki. Segun Otmar Oduber kende awe ta vocero di plataforma PAIS e tempo ey tabatin hopi critica unda cu un biaha mas politica a hunga un rol. Sinembargo na momento cu un gobernante no por tuma un decision unda cu no tin e curashi pa tuma e decision e tempo ey a critica Aruparking y bisa cu lo e mata centro di ciudad.
Sinembargo Otmar Oduber di Plataforma PAIS ta duna di conoce cu centro di ciudad no a keda kibra door di Aruparking, alcontrario Aruparking lo a trece un cantidad beneficionan, porehempel no lo mira e tantisimo autonan cu ta dies para unda cu ta y hasta riba acera den tur skina den caya principal y centro di ciudad. Lamentablemente Aruba su politica no ta asina madura cu por tuma un decision di desaroya manera tur PAIS rond mundo ta haci.
Aruparking a keda maneha den un forma profesional den pasado, pero actualmente aki na Aruba ta mira ya caba a pasa 5 pa 6 aña of mas cu politica ta wordo hunga cu e desaroyo economico di centro di ciudad.
E tempo ey Aruparking tabata genera 2.5 miyon di ganashi cu tabata bay directamente pa Arubus pa asina Arubus por reduci su gastonan cu e tabatin pero na mes momento opera como un solo compania. Centro di ciudad di Aruba no a keda mata door di Aruparking , pero pa politiconan cu ta tuma decision pa pone un cantidad di Mall rond di tur e hotelnan den pasado y te ainda ta sigui haci e mes un fout unda cu ta sigui pone mall nan den porta di waf na Aruba unda cu un biaha mas ta obstaculisa e turista pa yega den caya grandi y stroba y kibra e comerciantenan den centro di ciudad.
Otmar Oduber di plataforma PAIS ta haci un apelacion cu na e momentonan aki cu ta cuminsando cu un desaroyo na San Nicolas di un hotel pa no bay permiti atrobe pa bay haci politica di bay duna permiso pa centronan comercial y tiendanan rond di e hotel pa asina di e forma aki kibra e centro di ciudad di San Nicolas tambe.
Actualmente Aruparking tin mester vision di e mandatario unda cu mester carga e responsabilidad y tin e curashi pa tuma decisionnan unda cu ta klem e auto paso un hende no ta paga ta normal unda cu e persona ta haya un boet debi cu e no ta cumpli cu ley . Tur parti di mundo ta normal y a cuminsa cu klem y ora cu e ta desaroya su mes y e compania ta mas solido por haci pagonan hasta online.
Segun Otmar Oduber di plataforma PAIS e desaster cu tin den centro di ciudad caminda cu e trahadonan mes ta yega y para nan auto 7 or di mainta nan auto den e 5 parking spotnan dilanti di un tienda y despues cu e tienda habri e cliente no ta haya un caminda pa e por para, no por continua.
Den e centro di ciudad di Aruba practicamente 80% di esnan cu ta para awe den e parkeer vaknan ta hende nan cu ta traha den caya grandi y vecindario y ora e cliente mester bishita un tienda of departamento no tin caminda pa para , esaki ta e realidad cu tin na e momentonan aki. Sinembargo Minister di transporte publico Ursell Arends ta sinta tres aña y nada no a tuma luga y ningun decision a tuma luga. Segun Otmar Oduber ta duna di conoce cu su mes un persona tabata sinta den un conseho di minister caminda ex minister Romero y a realisa cu tur e consehonan di e tempo ey caba tabata bon pa PAIS Aruba y e tempo ey a anuncia caba cu lo re-intruduci su mes un maneho unda cu su persona a introduci tempo cu e introduci Aruparking, pero lamentablemente politica un biaha mas a mete den e compania y mester a bolbe inverti miyones di pueblo pa asina e mashinnan por cuminsa traha bek despues cu nan a keda bandona pa 5 aña y awe ta bay pa tres aña bou di e responsabilidad di e actual Minister di transporte Ursell Arends cu full Aruparking ta wordo laga un banda despues cu e propio minister tambe a anuncia cu lo bay cuminsa cobra bek pa Aruparking pa no solamente scapa Aruparking y e inversionnan haci pero ta tambe pa por duna e servicio na e clientenan den centro di ciudad.
