Oranjestad, 14 di juli 2025 — Fraccion Parlamentario di Partido Patriotico Arubano (P.P.A.) a havi un yamada di urgente na Su Excelensia Mike Eman, Ministro Presidente di Aruba, pa activa den inmediato e Oficina di Maneho di crisis (CMO), relaciona cu un suceso tragico cu a tuma lugar e diasabra, unda cuater (4) hoben Arubiano a desaparace den lama.
Apesar di tur esfuerso di buskeda cu yatenan priva, botonan local i e flota di Kustwacht Caribisch Gebied, te dia di awe, no a logra haya e hobenanan. E operacion di buskeda, cu a cuminsa hopi tempran den anochi di diasabra, a cubri un area maritimo sin resultado positvo.
“Nos ta den un situacion hopi sensitivo i doloroso pa e famianan afecta i pa henter conunidad. Aunke technicamente e no ta un crisis nacional segun e cantidad di persona envolvi, e impacto humano i emocional ta inpagabel.
Fraccion di P.P.A. ta insisti cu den e circunstansianan actual, i mirando e tempo cu a pasa, Gobierno mester activa e maneho di crisis CMO pa coordina esfuersonan cu Kustwacht i otro instansianan oficial —tanto nacionam cono internacional— pa realisa un buskeda mas profundo.
“E pais no por keda keda keto. Mester usa tur medio disponibel. No por laga e famianan nan so den nan dolor. Tur minuut ta conta,” Sr. Oduber a agrega.
