E saga di Patrick Paskel ta sigui
Mientras cu e votadornan humilde di Avp tin cu lanta mainta pa bay traha, e amigo di Mike Eman ta lanta mainta pa busca unda e por haya placa facil na cantidad.
Ayera a bolbe yega den nos box, un otro contract di Patrick Paskel y su famia, kendenan sin ningun berouw a abusa di fondo publico loke nos por categorisa pa estafa y ladronicia di marca mayor!
Nan a crea tur sorto di NV pa hasi tur sorti trabao ridiculo, nunca antes visto den gobierno. Awor nan a lanta e compania Paxi NV, pa bay scucha radio y graba radio emisoranan local y bende e tape nan cu Lotto. Tur luna Lotto ta paga 2500 florin!
Pa e sorto di servicio aki, mescos cu nan a haci cu RDA y otronan, nan a enrikese nan mes na e forma di mas abusador riba lomba di pueblo.
Pober muchanan no tabata haya placa pa deporte, pero Patrick Paskel tabata cobra tur luna, cu bendicion di Mike Eman.
Den RDA tin un cantidad di estafa, prijsnan hopi halto y sin contract. Un denuncia ya a wordo haci na Ministerio Publico pa e actonan coruptivo di Patrick Paskel y Friends.
Den henter partido AVP, ningun otro persona por a haya un trabao, pasobra tur trabao automaticamente tabata destina pa Paskel.
Mas peor ta cu el’a cobra placa y horta medionan di comunicacion, kedando cu nan placa y ta manera nada no a pasa. E ladron a lanta otro compania pa e sigui horta.
Ainda tin un cantidad di companianan cu keto bay ta sigui deal cu e ladronnan aki.
Aki por mira con nan a busca tur forma pa saca placa di companianan di gobierno. No solamente tabata cobra cu Terra Group, pero tambe cu Paxi NV.
Ta urgi tur minister nobo, pa bao ningun circuminstancia bay traha cu e ladronnan aki y nan mester wordo denuncia pa nan paga bek tur loke nan a horta di pueblo. Ta spera cu e investigacion di RDA ta canando su caminda pa pronto cuminza piki nan.
Un apertura di projecto di Algen, Paskel a cobra 100 mil florin, pa saca dos potret!
Den Lotto e sinberguenza tabata cobra 17.500 pa luna pa hasi nada!
Un estafa total!
