E dianan ta serca, unda pueblo lo conoce un veredicto final den e caso di ex ministro di AVP.
Otro siman diaranson, corte lo dicta sentencia final pa e ex-minister. Ya caba el’a haya 4 aña den corte di prome instancia.
E sentencia mester sirbi como un rapport di e gobierno di Mike Eman.
Esaki lo pone oficialmente e stempel di corupcion riba Mike su gobierno, unda den e caso aki, un oficina completo di un minister a haci nan mes culpabel na tur sorto di corupcion, unda nan a pres comerciantenan pa placa, pa fix permiso pa trahador di exterior.
Apesar cu e partido berde ta wordo corona cu e corona di corupcion, tin hopi den e partido cu ta prefera di mantene silencio, pasobra nan no por haci otro ni bisa nada.
Algun ta asina confundi, cu nan kier busca corupcion cerca MEP, pa cual aki nan ta den delirio cu e berdad.
Tur cos ta mustra cu e ex minister lo mester ta prepara pa asina acudi na KiA unda e lo mester bay cumpli cu e sentencia cu el’a haya.
Pa kita tur duda; e caso aki a cuminza no serca opositornan, sino di paden mes el’a cuminza, ora cu propio secretaria Marouska Croes a bati alarma y unda Nicole Hoeverts a hibe landrecherche. Tur esaki ta skirbi den e acusacion di fiscal. Pues pa esun cu ta troce storia cu ta opositor a denuncia e caso, nan ta mal equiboca! Ta interno den AVP e caso aki a cuminza lora.
Nos ta spera cu Rycond lo por splica pueblo mas di e caso aki y splica tambe kico ta hogerberoep y kico ta cassatie.
