Diamars mainta a drenta informe di un accidente cu hende herida na Cocorobana, mesora a dirigi tanto polis como ambulans na e sitio. Na yegada di e ambulans a bin compronde cu e dama chauffeur di e Kia Celtos no a para pa duna preferencia na un coredo di scooter electrico y esaki a bin dal riba e taira di dilanti banda robes. E coredo pa evita e impacto fuerte a bula for di e scooter y a cay herida su pia y rudia. E tabata keha di basta dolor y ambulans a atende y transporte pa hospital.
