E vision y exit strategy ta wordo reconoci internacionalmente. Aruba a wordo reconoci pa e maneho di e destino y e programanan di recuperacion cu a wordo implementa pa por a ricibi bishitantenan bek despues cu a habri frontera.
E documentacion compila ta ilustra logronan manera digitalisacion di e plataforma di imigracion, tambe introduccion di e Aruba Visitors Insurance.Esaki ta un merito pa ambos sector publico y sector priva cu ta traha di serca pa cu bienestar di nos turismo, incluyendo e ekipo completo di Aruba Tourism Authority (A.T.A.)
Desde e reapertura di Aruba su frontera, a experencia un recuperacion exitoso. Entre april y augustus 2022 yegada di bishitantenan a surpasa e cantidad di bishitante pa luna cu a ricibi na 2019, algo cu ta duna siguransa cu lo tin un recuperacion di 100% di bishitante global pa fin di e aña aki. Pa 2023 ta proyecta un recuperacion di 105% compara cu 2019.
