Paradera – Tin un preocupacion grandi reinando den comunidad di Paradera despues cu a sali noticia cu e Mavo na Paradera no ta bin mas.
Segun un habitante, e skol Mavo cu hopi hende tabata contando riba dje, ya no ta forma parti di plan Avp- Futuro.
Un habitante precupa a skirbi Solo di Pueblo “bondia, bon siman. Segun ma comprende, e Mavo na Paradera no ta bin mas. Gerlien lubida di unda e ta bin” e habitante a expresa den su mensahe emocional.
“awor marawiel, koeriboeri y tamarijn, despues cu a kita e Mavo, e muchanan di Paradera ta forsa pa bai skol na otro lugar. Mi nieto mes ta bay te Santa Cruz, pero si nan pone skol na Paradera ta hopi bon, ya no tin cu bai te na otro lugar.”
E habitante a confesa e ta sinti rabia. “Ta banda di nos cas na Marawiel / Koeriboeri su famia tawata biba. Awor nan ta na Tamarijn”
Segun comunidad, e Mavo tabata un solucion pa hopi mucha na Paradera cu no mester bay leu pa sigui nan estudio.
Awor cu no tin mas skol si Mavo den e bario, e carga ta cay riba mayornan pa trece y hiba su mucha te Santa Cruz, Playa of otro districto.
E situacion aki ta crea rabia y desepcion entre hendenan di Paradera cu ta sinti cu gobierno ta lubida nan bario y no ta duna prioridad na educacion y facilidad pa e bario.
Comunidad ta sperando cu gobierno por reconsidera e decision aki pa no laga mas mucha keda sin un skol cerca di nan cas.
Palabra ta keda awor na Gerlien, pe splica pueblo riba e scol di Mavo na Paradera.
