Alarma a wordo bati mesora na Post di Strandpolitie pa un criatura(mucha muhe) cu dado momento no tawata reacciona mas. No ta mucho duidelijk si e mucha lo tawata den lama y lo por a hay’e den problema cu algo otro.

Mesora esnan eybanda wardando ambulance lo a cuminsa duna e prome auxilio. Minuutnan tawata manera oranan largo pa ambulance yega.

Na yegada di ambulance mesora nan a cuminsa traha, cada seconde ta conta e momento ey.

Den un tempo cortico a logra haya “pulso” y a dicidi di prepar’e y sali cu maximo urgencia direccion Hospitaal, polis a coopera cerando e rotondenan unda e ambulance mester pasa.

Na e sitio por a scucha diferente version, uno tawata cu probablemente e mucha lo por a come y despues bay hunga of drenta lama. Esaki no ta oficial sino locual tawata circula na e sitio.

Slachtofferhulp a wordo pidi pa bay Hospitaal pa asina duna sosten na e famia, cu ta pasanso e momento eynan di  mas dificil di nan bida.

Un fiesta cu a termina na un accidente di un criatura.

LEAVE A REPLY

Please enter your comment!
Please enter your name here