Diabierna prome cu 11’or di anochi polisnan a keda dirigi pa un accidente riba e Watty Vos Blvd Sero Patrishi direccion pa Cumana pa un auto cu a bolter cay den un greppel pega cu un cura di cas. Patruyanan a bin topa cu un auto riba su cay den e rooi y un homber benta riba caminda herida y un señora levemente herida. Segun testigo a mira cu tabatin un problema den e auto y a wak con esaki a bay den banda subi acera y bolter. E homber a keda atendi di biaha pa personal di ambulance. E rapid responder di ambulance tambe a presenta pa atende cu e dama. Polis di trafico a haci nan investigacion y mira e lastro di brake momento cu e auto a baha caminda y a bin finalisa den e greppel.
