Miembro di fraccion di AVP den Parlamento, Carlos Bermudez a tuma e oportunidad di su disertacion durante e reunion publico di dialuna tocante e Rijkswet Houdbare Overheids Financien (HOFA) pa trece claridad den e debate parlamentario y tambe informa publico tocante e Bestuurlijk Akkoord y e relacion cu Hulanda. “E discusion no ta simplemente politico; e ta tocante e futuro financiero, autonomia y stabilidad pa nos pueblo.”
Durante su turno na palabra, Bermudez a duna e ehempel cu lider di fraccion di e partido mas grandi di oposicion a haci cu compra di un cas. El a bisa: “Ora bo ta firma un letter of intent, esey no ta un benta final. E ta un punto di salida pa negociacion. Si no tin acuerdo riba condicion of balor, no tin transaccion”
Den mes un rosea E lider di fraccion di partido mas grandi den oposicion a duna di conoce cu mester sigui negocia. Esey ta un cambio di mentalidad/pensamento caminda antes oposicion tabata papia di stop e proceso y awor ta boga pa sigui negocia.
E mesun lider di fraccion aki a menciona cu gobierno mester pensa riba un onderlinge regeling. Dia 4 di juni 2024 ex-minister president aki tabatin e oportunidad di kita e termino “Rijkswet” y pone ” onderlinge regeling”. Ta lamentabel, segun parlamentario Bermudez cu e cambio aki no a keda implementa ora cu tabata por. Awe, e mesun cu a firma pa Rijkswet ta pidi un coreccion cu e por a evita.
“Mas ainda, Bermudez ta enfatisa cu no por tin ningun stap dilanti sin tin un ‘taxatie rapport’ (refiriendo bek na e ehempel di compra di cas), sin asesoramiento tecnico y huridico, y sin fundamentacion real,” Bermudez a indica.
Fraccion AVP-FUTURO a pidi formalmente pa gobierno busca e “taxatie-rapport” o sea e conseho di Raad van Advies y Raad van State pa garantisa transparencia y proteha e interes di Aruba. Bermudez: “AVP ta na fabor di progreso, pero progreso responsabel.” pero progreso responsabel.”
