Parlamentario Endy Croes cumpliendo cu protocol extricto pero alaves scuchando pueblo tabata di bishita serca Baluarte Andres Maduro pa salude y pa tuma conseho. Andres Maduro ta un Baluarte cu a sostene MEP desde inicio di MEP y ta un Lider di Bario di partido MEP. Tempo cu MEP a celebra 10 Aniversario 9 di Februari 1981 Betico Croes a otorga un certificado firma pa su persona na tur e Lider nan di Bario cu a sostene MEP e tempo aya. Andres tin su certificado masha bon cuida y tin masha aprecio pa e reconosemento aki cual porcierto a cumpli 39 aña desde cu el a ricibi esaki. Andres hopi contento cu partido Movimiento Electoral di Pueblo y a conta diferente strategia cu Betico a usa contra e Hulandesnan e temponan aya den transcurso di e lucha. Andres Maduro a
repasa tambe facetanan importante pa por a logra Status Aparte y a hasi apelacion di profundidad di su curason pa preserva e hoya cu Aruba tin esta su Status Aparte. Andres ta mira temponan dificil nos dilanti pero ta mira e potencial den MEP, su Lider actual y henter e team pa resolve tur cos pa saca Aruba for di e crisis. Parlamentario Endy Croes den nomber di partido MEP a gradisi Andres Maduro y henter su famia pa e sosten na MEP desde inicio di e partido y alaves a gradisi Andres pa su bon consehonan y contribucion. Lider di Bario Baluarte Andres Maduro masha danki!=

LEAVE A REPLY

Please enter your comment!
Please enter your name here