Parlamentario Endy Croes recientemente den un encuentro cu CAFT a pidi e Hulandesnan pa manda su mensahe pa Den Haag tanto pa Rijskministerraad y tambe Tweede Kamer.
Watersnoodramp di 1953 Hulanda:
Durante e e anochi di 31 di Januari maneciendo 1 de Februari 1953 Hulanda a wordo sacudi pa un desaster momento cu e “dijknan” cu ta protehe e awa di lama pa no subi tera a rementa/ kibra durante un tormenta basta pisa. Esaki a causa cu e awa a drenta primordialmente e parti Zuid Holland y Noord Braband unda 1836 Hulandes a hoga y a perde nan bida mientras 72.000 mil cuidadano mester a evacua y bandona nan hogar pa lunanan largo. Esaki ta e tragedia di mas grandi cu a yega di asota Hulanda cual lo keda graba den historia di e pais.
Con Antillas Hulandes a reaciona:
Aruba, Curacao, St Maarten y demas islanan Hulandes a reaciona mesora cu un curason di “Oro”. Den artikel 36 di Statuut ta ancra: Nederland en Antillen( awendia Aruba), verlenen elkander hulp en bijstand. Aruba y demas islanan semper ta para kla pa yuda y sigur si ta trata di nos madre patria unda un tragedia na aña 1953 a cobra bida di 1836 Hulandes . Riba zoekmachine Delpher.NL nos a logra busca varios informacion den corantnan Hulandes di aña 1953 y despues. Awe nos kier reproduci lokual un di nan a skirbi e tempo aya ilustrando e bon curason y ayudo cu Antillas a manda pa Hulanda den momentonan dificil cu nunka Bo por anticipa.
Un artikel di “De Tijd” van 2 Juni 1969
Achtieen jaren geleden werd Nederland door een ramp aangetroffen. De waternoodsramp. Spontaan reageerden toen de Nederlandse Antillen. Behalve ongeloofelijke hoeveelheden reddingsmateriaal en kleding brachten zij , in die tijd nog betrekkelijke harde guldens bijeen voor hulpverlening. Iedereen van hoog tot laag droeg naar vermogen bij. De nog geen tweehonderdduizend inwoners van deze eilanden brachten drie miljoen bijeen. De eerste stoot tot deze hulpactie werd gegeven door de radio.
Pues esaki ta pa ilustra con Antillas a reaciona na aña 1953. No a pone ningun condicion politico pa Hulanda. No a pensa nunka pa cobra Hulanda e placa aki bek. No a manda puntra politiconan na Den Haag ki dia boso ta paga nos bek. No a manda ningun classe di menasa pa Hulanda y mucho menos a papia di “ % di INTERES” riba e ayudo. Solamente a yuda paso nos curason ta na e lugar corecto y nos ta compronde cu dolor di hende no ta cos pa hasi wega cune. Banda di 3 miyon florin cash a logra manda cantidad di materialnan di rescate y paña pa tur esnan cu a perde tur nan pertenencianan. Asina nos systema ta interpreta e palabra “ayudo”.
Durante Covid 19 Hulanda a oprimi Aruba:
Hulanda sinembargo a lubida hopi liher e contenido di e palabra “ayudo” ancra den Statuur art 36. Den un pleno pandemia na aña 2020 momento Hotelnan a sera, Airport a sera y nos unico entrada atrabes di turismo a bay plat mientras hopi hende ta fayeciendo rond mundo, Hulanda atrabes di Militair Knops na Juli 2020 a impone (2) Rijkswet riba mesa. Te cu awe 5 aña despues ainda e Hulanda ta oprimi Aruba cu condicionnan politico inhusto riba un “PRESTAMO” cu Aruba lo paga bek. Parlamentario Endy Croes ta termina bisando cu e spera Hulanda por mira bek den historia y pone e ayudonan ricibi den momentonan dificil den balansa. Nos no ta pidi kwijtschelding paso Aruba ta paga bek pero si un trato husto. Laga e ayudo ricibi di Watersnoodramp 1953 por ta un refleho!
