Oranjestad-Parlamentario Endy Croes tabata hopi critico durante reunion publico unda a trata e presupuesto supletorio. Desde diaranson siman pasa a inicia cu e reunion aki cual a continua diabierna henter dia y dialuna ultimo rond 10pm anochi a yega na votacion. A vota pa un total di 37 mocion y un amienda alabes e ley supletorio mes.
Parlametarionan di Coalcion hopi zwak
Desde diaranson por a nota e tono negativo di Parlamentarionan di AVP y Futuro. Nan tabata critica fuerte e profesionalnan di diferente departamento kendenan ta traha cu tur gobierno. Dado momento Parlamentario Croes mester a pone Coalicion na nan lugar pidiendo respet pa nos profesionalnan. Dialuna ultimo sinembargo Parlamentarionan di Coalicion a โget the pointโ y a drenta reunion manera lamchi cu un โtoontjie lagerโ.
Parlamentario Endy Croes ta lamenta cu Bode ta cobra mas cu docente
Parlamentario Endy Croes a elabora riba un lista cu minister Geoffrey Wever a pone durante reunion โter inzageโ. Ta trata di un lista di salario di empleadonan cu ta traha den bestuurskantoor โCocolishiโ. Lokual a sorprende Fraccion di MEP den su totalidad ta algun salarionan barbaro. Tin miembro di prensa kende antes a traha pa 24 ora esta meneer Espinosa kende tin antecendente penal ta ganando rond Afl.10.500,- pa luna den un funccion sin ningun preparacion. Solamente e ta amigo di Mike Eman. Awor e ta cobra na gobierno pero tambe ta keda hasi trabounan pa 24 ora segun informacion. โOnly in Arubaโ. Locual a capta mas atencion ta e hecho cu tur bode di ministernan den e Coalicion nobo y den e politica nobo cu Futuro a priminti ta ganando Afl.5.700,- cu tur nan โtoelagenanโ. Mientras docentenan na Aruba ta ganando averahe di Afl.5.500,- pa luna. Parlamentario Endy Croes ta splica cu esaki ta un abuso di marca mayor y โgewoonwegโ esaki no por y lo keda lucha pa kibra e abuso โnoboโ di Gabinete Eman Croes aki.
