Parlamentario Endy Croes a splika cu final di Juni e presupuesto supletorio a yega Parlamento. Tabata e intension di AVP-Futuro pa esaki wordo trata promer cu recess. Sinembargo promer siman di juli a ricibi un email comunicando cu no lo trata esaki y lo lage pa wordo trata den luna di augustus. Parlamentario Croes a sigui splica cu e nombracion di Baba Herde a causa hopi tension hopi halto entre Parlamentarionan di AVP y esaki ta un di e motibonan cu AVP a escoge pa no trata e presupuesto supletorio promer cu recess y laga e Parlamentarionan di AVP y Futuro bay ‘digest’ y fria nan cabes cu e nombracion di Baba Herde. Sigur nan lo lubida despues di vakantie scol y bin mas frieuw den luna di augustus pa continua cu nan trabou y aproba e presupuesto supletorio den coro.
Witch Gerlien Croes a corta 3 miyon structural
Locual a sorprende nos momento a ricibi e presupuesto supletorio di aña 2025 a tuma nota cu den enseñansa a corta cu un suma di 3 miyon florin adicional. Mas aun e recorte aki ta structural pues den 2026 no lo pone e placa aki bek. Ta trata di placa aloca pa ( Stichtingnan) scolnan por emplea docentenan nesesario cu nan ta buscando. Kisas scolnan no a logra haña dicho docente den promer 6 lunanan di aña pero asina scol cuminsa bek na augustus nan por logra yena e vacaturanan. Wel e Witch Gerlien Croes a corta esaki. Por ehempel di Colegio Arubano el a corta 500 mil, di EPB tambe 500 mil y di scolnan special tambe 500 mil. Den un total di 16 scol el a corta e suma total di 3 miyon. No obstante 28 di maart 2025 momento a trata e presupuesto di pais Aruba AVP-Futuro a corta caba 2.9 miyon den enseñansa y 10% den goederen en diensten mas 17 miyon di FCCA destina pa traha casnan social y 3 miyon di Fundacionnan. Awor AVP- Futuro a dicidi pa corta 3 miyon adicional hustamente den enseñansa y den e begrotingspost di salaris docenten. Esaki ta algo inesplicable.
A acusa Endy Croes cu e tambe lo a corta den enseñansa
No por compronde e Witch Gerlien su acusacion contra x minister Endy Croes bisando cu x minister awe Parlamentario tambe a corta den enseñansa. Parlamentario Endy Croes ta splica cu na final di aña ta un custumber cu den prespuesto supletorio bo por re-aloca y redistina placa cu no a wordo usa y pa e placa no bay perdi pa un of otro proyecto. Asina a re-aloca placa di enseñansa cu no a wordo usa na final di aña destinando esaki pa entre otro inverti den GPT Stadion Dakota y Palo Marga pa nombra algun bunita proyecto. Mas aun esaki no ta structural paso esaki ta wordo aloca bek den e presupuesto di e siguiente aña. Gerlien ta corta mei mei di aña den enseñansa anto “STRUCTURAL”. Sigur un maneho incomprendibel cortando den enseñansa 2.9 miyon den luna di maart 2025 y 3 miyon adicional den presupuesto supletorio. Nos lo keda hasi nos trabou pa controla gobierno y lo keda trese tur esakinan dilanti pa pueblo ta altante. Scucha su gritonan pero no mira su actonan. Asina Gerlien ta goberna!
