Parlamentario Endy Croes a tuma nota cu e e dos “carapatanan” di Mike Eman esta Speed cu Patrick Paskel ta manera den un ansha di desesperacion ultimo dianan. Por a tuma nota cu alpareser e dos nan aki ta kere cu nan tin e mesun poder ainda manera tabata e caso desde 2010-2017 unda nan tabata instrui, skirbi, tuma desicion y strika miyones di pueblo di Aruba na un forma di sinberguensa bou di e regimen Eman. Nan ta den ansha di morto of manera un persona cu ta halando su ultimo rosea. Nan ta manda tur tipo di nan amigonan den estilo di “chupacabra” pa lobby na e gobierno cu lo wordo forma pronto. Mi bon conseho ta pa baha na awa of keda leew.
2010-2017 duo Carapata Speed y Patrick a strika 8 miyon di pueblo:
Como Parlamentario nos deber ta entreotro controla gobierno pero tambe trese na klaridad cualkier caso di sinberguensa cu nos por encontra momento cu nos ta den Parlamento y tin acceso na diferente documento. Asina nos a logra haña masha hopi documento cu por ehempel a incrimina Benny Sevinger di AVP den e caso grandi awe conosi como caso di Avestruz. Durante ultimo añanan nos a publica tambe masha hopi cobransa “official” cu nos a logra pone man riba nan di Speed y Patrick Paskel. Ta trata di sumanan monstroso. For di gobierno di Mike Eman nan a cobra casi 8 miyon florin. Sumanan entre 80 mil y 125 mil pa luna tabata masha normal. Tambe nos a publica con e mesun duo aki a strika 600 mil den Ultilities. Esey no tabata tur como cu momento e rapport forensico di RDA a bira publico por a mira con sin gevoel e “duo” aki tabata. E rapport a prueba con Patrick Paskel sin ningun invoice a logra strika y saka mas di 500 mil for di RDA. Incluyendo proyectonan fantasma cu tin atencion di OM. Finalmente den e dianan aki ta saliendo cobransanan di Lotto unda e “dou” carapata aki tambe ta involvi. Asina por sigui. Pues e dou aki conosi tambe como e carapatanan cu tabata pega riba lomba di e baca Mike Eman tabata tin un bida hopi dushi. Lamentablemente e cranchinan a sera un mas liher cu otro y aki ta unda e rabia y odio a cuminsa fomenta.
Caso IBIS Paul Croes den Hoge Beroep e siman entrante:
Otro caso di corupcion di x minister di AVP cu ta den luz di dia ta e caso IBIS unda Paul Croes di AVP kende tin un condena caba di 4 aña di prison y 10 aña cu e no por cubri ningun funcion den aparato gubernamental pa tur lokual el a hasi. Speed cu Patrick tabata strika plaka den e oficina aki tambe. Asina ta cu unda nan pone nan man tin rankamento di plaka di pueblo sin fin serafin. Awe nan kier purba desvia atencion di casonan grandi di corupcion di AVP y kier gasta nan energia riba entre otro Parlamentario Endy Croes y su famia. Boso ta mas cu welcome y tur dia nos lo tin reacion pa saca boso berdadnan pa pueblo siña conose e caranan real di Speed cu Patrick skondi tras di cortina. Boso berdadnan ta keda wordo publica pa pueblo sa ken boso ta den bida real. Na e dos carapatanan Speed y Patrick carga pasenshi y sigui grita 4 aña mas y siña traha pa boso plaka na forma decente y no biba riba lomba di e pueblo aki. Desesperacion ta mal cos pero ta comproba alaves e falta cu nan ta haña pa biba lekker. No mas tas di 2000 dollar pa casa, no mas biahamento den avion priva, nos mas gamblemento den casino hungando plaka bruto manera un “capo”. Halo Patrick Paskel? No mas 8 miyon di gobierno. No mas 600 mil di Utilities. No mas 500 mil di RDA. No mas miyones di Lotto. Adicionnan aki ta pa pasado y esaki ta hasi Speed y Patrick Paskel masha dolor.
Felis siman!
