ROBERT CANDELARIA Y SU MENTIRANAN TA MESCOS CU DI MIKE EMAN
Durante un conferencia di prensa cu a wordu publicá Diabierna 22 di Januari 2021 riba pagina A19 di Bondia Aruba bou di e titulo “Gabinete Wever Croes kier dicidi di reducí gastonan den cuido medico durante crisis” Candelaria tratando di hustificá e mentiranan flagrante cu Mike Eman a declará na Speed Andrade durante e entrevista cu Speed a tene cunele dilanti di Hospital y hasta engaüosamente a purba di duna e mentiranan aki un base den un carta di 19 di Mei 2020 cu Staatssecretaris Knops a scirbi pa Tweede Kamer.
Robert Candelaria ripitiendo mentiranan flagrante di Mike Eman:
Despues di a ripití e mentiranan di Mike Eman, bisando den coro cu Mike “cu E tambe ta lamentá cu gobierno tawata pa bay corta den sector di cuido desde inicio y cu esaki NO ta Gobierno Hulandes a pidi pesey.”Y pa colmo Candelaria a trata di logra esaki, door di a saca for di su contexto for di e carta aki di Knops e siguiente frase:
Candelaria ta dom! Op de Plank Liggen?:
“Op de plank liggen” cu segun Candelaria ta nificá cu e plan ta existi caba, sin bisa cu Hulanda tawata kier meen cu e frase aki: “kostenverlagende maatregelen in de gezondheidszorg” cu Aruba ta obligá di implementa como conditio sine qua non pa Aruba hanja liquiditeitssteun.
Candelaria a gaña te hasta riba Militair Knops:
Candelaria a bai asina leu den su enganjo bisando cu Knops a indicá cu Gobierno di Aruba a laga PWC haci un investigación y cu den e rapport ey ta papia di un reducción di gasto di 5 miyon pa luna y cu ta aki na Aruba mes a iniciá e proceso pa corta den gasto di AZV. Nada ta mas falso y engañoso y mentiroso cu e ponencia aki di Candelaria, cu segun e ta wordu papia di dje den e rapport di PWC. Con un Pastor por ta mentiroso? Imposibel segun Parlamentario Endy Croes.
Candelaria nunka por a lesa e rapport di AZV y a gaña atrobe:
Si Candelaria a lesa e rapport aki di PWC, cu seguramente e no a haci, e por a lesa cu ningun caminda den e rapport aki ta wordu papiá un reducción di ningun gasto, ni di Awg 5 miyon, corda di Awg 5 miyon pa luna. Nos a lesa e rapport aki di PWC fechá 20 di November 2019 titulá “ Doorlichting kostenontwikkeling AZV” cu e subtitulo “Een onderzoek naar de ontwikkeling van de toekomstige financiële situatie van de AZV en mogelijke risico’s.” E onderzoek aki a wordu haci “in opdracht van het Uitvoeringsorgaan Algemene Ziektekosten Verzekering (Aruba)” y pues NO door di Gobierno di Aruba, manera Candelaria tambe a ganja den su Rueda di Prensa. Nos ta reta Candelaria pa indicá nos riba cua di e 44 paginas di cual e rapport aki ta consistí ta wordu papia di e reduccion di gasto di Awg 5 miyon pa luna. Ta un berguenza cu un Parlamentario studiá y educá manera Candelaria ta busca refugio den un rapport cu e no a lesa pa trata di duna e mentiranan di Mike Eman balor y un base intellectual. Nos ta dispuesto pa duna Candelaria un copia di e rapport aki pa e por lesele promer cu e bolbe haci mencion falso riba contenido di un rapport cu e no a lesa. Sr Watty Vos q.e.p.d., un gran ex-Ministro y Ex-Parlamentaio di AVP a yega di bisa: “Mihor bo sera bo boca y nan kere cu bo ta bobo y cu bo no sa di kiko bo ta papia, cu bo habri bo boca y wordu confirmá cu realmente bo ta un bobo. Croes ta termina bisando na Candelaria cu Mentiranan sin base ta igual cu Fierno!
