Manera ta conoci cu Aruba desde 6 di december despues di eleccion ta den un limbo kende ta bira minister y kende no. Mike de Meza sinembargo a wordo sacrifica te na e momentonan aki pa Mike Eman y AVP. Consecuentemente Mike de Meza a wordo obliga pa bay corte pa purba haya un decision faborabel pa su persona cual finalmente e no a logra. Diaranson ultimo Mike de Meza a perde su caso cu el a entama contra DIMP. Den e veredicto di riba pagina 9 na punto 5.1 hues ta dicta lo siguiente: “De Meza krijgt in deze procedure dus niet wat hij aan het Gerecht heeft gevraagd, een rechterlijke opdracht (gebod) aan de Directeur DIMP om een voor hem gunstige verklaring van fiscaal gedrag te verstrekken”. Den e desicion final hues a pone den e veredicto: “verklaart zich onbevoegd om te oordelen op het ingestelde beroep” y “wijst het verzoek om een vooriopige voorziening af”. Pues De Meza a perde!
Hues a splica Mike Eman cu nada no a cambia y cu e mes mester tuma desicion
Den e veredicto final nos por a tuma nota con hues “indirectamente” a lees Mike Eman de les voor. Hues a splica Mike Eman cu nada no a cambia y cu su persona mester haci su trabou door di tuma un decision. Riba pagina 10 di e veredicto na punto 5.4 hues a bolbe lees Mike Eman de les voor: “De formateur beschikt thans over de resultaten van het fiscaal onderzoek als bedoeld in artikel 5 LvIM, maar ook over de brief van 28 april 2025, die in afschrift aan de formateur, thans minister-president is gezonden. Met de voorhanden fiscale informatie moet de formateur in staat worden geacht de knoop door te hakken wat betreft het lot van De Meza.
Het is aan de formateur om toepassing te geven aan artikel 8 van de Landsverordening
Integriteit Ministers door De Meza op korte termijn wel of niet voor te dragen. Anders gezegd: de formateur is aan zet.” Pues indirectamente hues ta bisa cu Mike Eman a faya. Segun e hues desde luna di April Mike Eman tin tur documento incluyendo e carta di DIMP di fecha 28 di April pa por a tuma un decision. Door cu Gerlien no ta di acuerdo Mike Eman a tarda e proceso y forsa Mike de Meza bay corte. Awor nada no a cambia y cu e mesun documentonan ey cu ya Mike Eman tawata tin, hues a manda Mike Eman bay lesanan bek y tuma un decision aplicando Articulo 8 di e Ley di Integriteits Ministers.
Riba pagina 3 di e sentencia por mira e wega y un timeline
Riba pagina 3 den e sentencia di 4 di Juni 2025 por mira e timeline y alabes compronde e wega cu a wordo hunga cu Mike de Meza. Hues ta relata den su sentencia lo siguiente:
- Dia 18 di Februari 2025 e formadornan (pues Mike y Gerlien) a haci e peticion na Inspectie pa haci un investigacion fiscal di acuerdo cu Articulo 5 di e Ley Integriteits Ministers.
- Dia 14 maart 2025 Inspecteur di DIMP a pone formadornan (esta Mike y Gerlien) na altura di e resultado di e investigacion fiscal cu a wordo haci.
- Dia 20 di maart 2025 formadornan (Mike y Gerlien) a haci un extra peticion na Inspecteur pa duna un zienswijze pues un punto di bista riba De Meza y alabes a solicita pa mas informacion di De Meza, entre otro si De Meza a yega of por yega na areglo cu DIMP riba debenan pendiente y habri te na e momentonan ey dentro di un periode di 3 luna.
- Dia 20 di Maart 2025 Brian y Speed a bay para anochi (manera ladron di anochi) dilanti cas di De Meza cu e noticia cu De Meza no por bira Minister paso e debe hopi belasting. Ken pueblo ta kere a saca e infomacion secreto aki? Solamente formadornan (Mike cu Gerlien) a ricibi esaki 20 di maart. Pues Mike y Gerlien a pasa esaki pa e carpatanan di 24 ora.
- Dia 24 maart 2025 Inspecteur a contesta formadornan (Mike y Gerlien).
- Dia 28 di maart 2025 candidatonan a huramenta pa ministers sin De Meza.
Esaki ta e time line y e realidad ta documenta den un sentencia di Hues fecha 4 juni 2025. Pues Mike Eman ta usa e dos carpatanan di 24 ora Speed cu Patrick mane marioneta pa haci e trabou pa AVP enbes cu Mike Eman di step up y haci e trabou di un lider. Awor Mike Eman ta bay schuif e bala den scochi gobernador e siman entrante. Kico ta bay pasa? Time will tell!
