Ta conkista e titulo maximo di “e gañado di aña 2025” y ta keda corona cu un private jet!
E siman prome cu Pasco desde 15 di december a tuma luga varios reunionnan Publico den
Parlamento di Aruba. Parlamento di Aruba ta e organo mas halto di pais Aruba. Ta pa e rason
aki un Minister tin e “deber” pa ta transparente y contesta tur preguntanan haci door di
Parlamentarionan pa asina Parlamento por funciona debidamente den su rol di controla gobierno.
Un Minister cu gaña Parlamento di Aruba ta bira un Minister no confiabel y normalmente na cualkier
pais decente lo mester entrega su retiro. Lo demostra cu prueba con (3) minister a contesta liña
recta contra Gerlien Croes den e siman di 15-17 di december pruebando asina cu Gerlien Croes a
gaña Parlamento y Pueblo.
Gerlien Croes a nenga di contesta Parlamento:
Tur Parlamentarionan di MEP desde dialuna 15 di december den reunionnan publico a haci e
pregunta na Gerlien Croes alrespecto su biahe di private jet. Cuanto Bo a paga?, na ken Bo a paga?
y con Bo a paga? (3) pregunta basico y facil pa contesta si acaso di berdad Bo a paga?.
Gerlien tanto dialuna, diamars y diaranson a keda draai rond di e preguntanan aki y nunca a contesta Parlamento. Unico contesta di Gerlien tabata ta cu “un paar di cien florin cu mi mes a paga ta un problema akiden den Parlamento”.
Desde fin di november varios Parlamentario a manda preguntanan por escrito pa e Minister Gerlien riba e tema relaciona na su biahe pa Corsou realisa 19 di november den un jet priva. Nunca Gerlien a contesta esakinan y pesey a bay over na haci e preguntanan publicamente den reunion publico cual ta e pleno derecho di un Parlamentario.Lamentablemente Gerlien Croes a scoge pa NO contesta y a scoge pa gaña Parlamento.
Gerlien Croes ta bay den historia como un mentirosa :
Parlamento a gara Gerlien Croes ta gaña unda (3) minister a laga Gerlien Croes cay manera patia
berde subrayando cu Gerlien ta un gañando. Gerlien Croes promer a bisa Parlamento
publicamente cu e contestanan el a haci nan por escrito den e “NAV”. NAV ta un Nota naar
aanleiding van het Verslag esta un documento oficial unda gobierno ta contesta preguntanan di
Parlamento riba un concepto di ley.
Parlamentario Rocco Tjon a haci e pregunta specifico aki na minister Geoffrey Wever como cu Fraccion di MEP a gara Gerlien Croes ta gaña y kier a sigura un contesta di un otro minister. Minister Geoffrey Wever den su contesta a re-confirma publicamente literalmente “No, Sr Presidente e contesta nan ey esta cuanto , con y na ken Gerlien a paga NO ta aparece y NO ta den e NAV. Pues aki Geoffrey tabata sincero cu Parlamento ya cu e NO por a gaña pa Gerlien y mester a contesta cu e berdad. Strike (1) unda Geoffrey a confirma cu Gerlien
Croes a gaña.
Minister Wendrick Cecilia a bergonsa Gerlien Croes: Strike 2
Desde dialuna tabata puntra Wendrick Cecilia si un avion priva por tin un AOC:
AOC ta un Air Operater Certificate y ta solamente un avion comercial ta haña un AOC di Directie Luchtvaart indicando cu e por cobra cliente pa transporta nan. Na Aruba un avion priva NO ta wordo otorga un AOC pues un jet priva NO por cobra un pasahero individual. Asina mes Gerlien ta keda bisa cu el a paga algun cien florin pa bula cu e jet priva. Despues di 3 dia ta presionando Wendrick Cecilia
como cu Fraccion di MEP ta na altura y tin e informacion cu e avion priva NO por tin un AOC y no
por cobra un pasahero. Finalmente diaranson 17 di december anochi Wendrick Cecilia a “basha
abou” splicando den Parlamento : “NO e avion priva cu Gerlien a bula cune NO tin un AOC y no
por cobra pasahero”. Directie mLuchtvaart ta cay bou Wendrick Cecilia y ta pesey a presione te
momento el a “basha abou” indicando cu su contesta cu Gerlien Croes ta un gañado. Aki Wendrick
Cecilia tambe ta confirma cu Gerlien Croes a gaña.
Mike Eman tambe a basha abou riba Gerlien Croes: Strike 3
Durante mesun reunionnan publico MEP a keda puntra Mike Eman si Gerlien Croes di acuerdo cu
e Gedrags Code pa minister por a meld un gift como cu el a haña esta un regalo pa biaha
pornada den un avion priva. Mike Eman tambe na final a contesta cu NO, minister Gerlien Croes
nunca a haci un melding di un gift. Aki atrobe Gerlien su caracter di ta un mentiroso patologico ta
resalta y Gerlien ta kere cu Parlamento di Aruba bo lo mester atende cune na estilo di “wild west”
of bandido. Ta keda claramente comproba cu Gerlien Croes a gaña Parlamento y Pueblo di Aruba.
E cos aki no lo keda te akinan. Na inicio di 2026 lo continua cu mas investigacionnan profundo riba
e tema no solamente local pero tambe internacional.
