A entrega un mocion pa bin cu un comision y evalua ley di LWTF y di Banco Central  

Parlamentario Endy Croes a elabora riba e ley di LWTF cual a wordo trata y aproba 19 di Augustus ultimo. E landsverordening voorkoming en bestrijding witwassen en terrorismefinanciering AB 2011 no.28 ( LWTF) mas diferente otro ordenanza cu tin un of otro conecion cu e ley aki a wordo ampliamente trata durante un reunion publico diahuebs ultimo unda a trese varios cambio cual cambionan a wordo aproba pa Parlamento.

Un total di 40 recomendacion di FATF

Financiel Action Task Force ( FATF) a duna 40 recomendacion pa asina yuda crea un systema adecuado tresiendo nos leynan mas den liña pa cumpli cu standard y leynan internacional pa combati 3 aspecto particularmente esta labamento di placa, financiamento di terrorismo y financiamento di proliferacion . Pues un cantidad di cambio den diferente leynan di supervision pa asina logra verscherpt e control. E cambionan ta enfoka hopi riba compliance alrespecto AMF ( Anti money laudering) y CFT ( Combating Financing of Terrorism). CFATF cual ta Caribbean Financial Action Task Force lo ta na Aruba final di augustus pa un “on site evaluation” pa evalua si Aruba a cumpli cu e recomendacionnan di FATF. Pa e motibo aki tabata importante pa ehecuta varios cambio pa Aruba no cay den default.

Financiele Inlightingen Eenheid su nomber a cambia pa FIU:

Un otro cambio cu a tuma lugar ta cu e Financiele Inlightingen Eenheid ( FIE) unda MOT ta resorta a haña un nomber nobo. Esaki a bira FIU Aruba esta Financiel Inteligence Unit Aruba. FIU ta wordo usa den casi tur pais y asina e nomber ta mas aligna den cuadro internacional. 

Un mocion pa revisa leynan di Banco Central a wordo aproba:

Durante e reunion publico aki Parlamentario Endy Croes a trese dilanti cu enrealidad nos mester cumpli cu leynan y reglanan internacional. Pero tampoko por ta asina cu como isla chiquito nos keda traha leynan cu ta hasi cumplimento pa comerciantenan y stakeholdersnan den area financiero dia pa dia mas dificil y costoso. Nos mester hustamente percura pa crea un redcarpet na Aruba pa nos entrepeneurnan local y inversionistanan internacional na un manera atractivo. Desde habri un cuenta di banco, pasa actonan na notaris y sectornan financiero por ehempel mester por duna un servicio mucho mas rapido. Enconecion cu e pensamento pa agilisa y flexibilisa supervision den cuadro di ley  Parlamentarionan Geoffrey Wever di partido Raiz y Endy Croes di MEP a bini cu un mocion durante e reunion publico aki cual mocion a wordo aproba unanimamente. Encorto a urgi gobierno pa forma un comision cu expertonan pa entre otro den 90 dia bini cu un conseho riba e ley di LWTF pa evalua ki tipo di ahustacion ta posibel  y ki cambionan ta aceptabel cu obhetivo principal pa Aruba keda cumpli cu rekesitonan internacional pero alaves mehora e posicion di concurencia internacional di Aruba. Tambe pa reduci e peso admistrativo y financiero riba e sector finnanciero. Finalmente e posibel cambionan aki mester desemboca den stimula economia. Un otro parti den e mocion pa den 90 dia investiga y conseha gobierno si na Aruba mester introduci un sistema unda tareanan di e instancia di Supervision ta wordo separa di tareanan di Banco Central conforme e “Twin Peaks” model manera ta e caso na Hulanda. Ta keda enespera awor pa manera cu gobierno forma hasi e follow upsnan nesesario pa instala  e comision aki pa inicia mesora cu tareanan describi den e mocion.

LEAVE A REPLY

Please enter your comment!
Please enter your name here