Parlamentario Endy Croes a mira cu despues cu Gerlien Croes, Mike Eman y Geoffrey Wever manera ladronnan di anochi a entrega autonomia di Aruba na Hulanda sin informa Parlamento awor nan kier tira culpa riba MEP. Den todo caso Mike Eman, Gerlien Croes y Geoffrey Wever lo bay den historia como bendedonan di patria, traidor y entregusita di pais Aruba.
Rijkswet COHO y RAFT ta bari for di mesa:
Desde Covid-19 durante aña 2020 na un manera hopi cruel Hulanda kier a pusha Aruba cu 2 Rijkswet entre otro COHO y RAFT. Evelyn Wever Croes despues di a tene cumbre politico, reuni cu gremio y sindicatonan y na varios ocasion a bay Parlamento pa splica nos situacion penoso cu Aruba tabata pasando aden y a busca sosten a bay Hulanda unda 13 di November 2020 a firma e dia specifico aki un ‘onderlinge regeling’ pa cu ‘Landspakket’. Por busca esaki den prensa Hulandes: “Op 13 november 2020 ondertekenden Aruba en Nederland de onderlinge regeling voor de uitvoering van het Landspakket Aruba.” Esaki ta para pa esnan cu kier sa mas. Pa locual ta trata Rijskwet NO a firma nada specifico. A solamente bay di acuerdo pa manda dicho leynan den proceso y strategicamente tabata prepara cu consehonan di profesornan di Hulanda cu e leynan aki manera cu nan ta no lo pasa cu un conseho positivo di Raad van State y lo wordo bari for di mesa na su debido tempo.
Rijkswet COHO y RAFT no ta existi mas:
Den Antiliaans dagblad di 13 di Januari 2023 a wordo publica lo siguiente: ‘Rijkswet Caribisch Orgaan voor Hervorming en Otwikkeling COHO verdwijnt in de prullemand, dat is gisteren bekend gemaakt op de laatste dag van het vierlandenoverleg in St Maarten’. Pues claramente confirmando e narativa di MEP y Evelyn Wever Croes desde 12 di januari 2023 e Rijkswet COHO a wordo bari for di mesa y tira afo. Esaki No te’y mas y no ta existi mas!
‘Besluitenlijst van het Koninkrijk’ 21 Februari 2025 a bari RAFT di mesa:
Pa locual ta trata Rijkswet RAFT e ultimo cu a keda pendiente a wordo bari completamente di mesa durante ‘Koninkrijkministerraad’ di 21 di februari 2025.
Por busca esaki y textualmente e ta bisa ‘Daarin is onder andere afgesproken dat het conceptvoorstel Rijkswet Aruba financiel toezicht (RAFT) wordt ingetrokken’. Pues e di dos Rijkswet tambe difinitvamente a wordo hala aden y NO ta existi mas. Esaki ta pa clarifica esnan cu kier bruha pueblo den e dianan aki.
Rijkswet HOFA su Mama ta Gerlien y su Tata ta Mike Eman:
Dia 29 di Augustus ultimo tanto Gerlien Croes, Mike Eman y Geoffrey Wever duna Parlamento un bano di awa friew. A drenta reunion y splica cu cara di COCO cu nan a caba di bende autonomia di Aruba como cu a bay di acuerdo cu un Rijkswet “nobo” cu ta carga e nomber HOFA. Tur esaki sin consulta cu Parlamento di Aruba atrapando asina riba acuerdo nan di IPKO di september 2022. Nos ta lamenta masha hopi con burdugonan manera Gerlien Croes, Mike Eman y Geoffrey Wever por bende un lucha di pueblo aki e nos autonomia sin informa Parlamento di Aruba manera ladronnan di ancohi. Nan lo bay den historia como bendedonan di Patria, traidornan y entregusita di nan propio pais. Pueblo ta keda cordialmente invita pa un reunion dialuna 8 di september pa 730pm na Cede di MEP pa por comparti mas informacion.
