Diahuebs mainta Presidente di Parlamento a yama un reunion di Comicion Central cu urgencia na un manera no comun pa diripiente trata “gevoelens” pa Baba Herde por bira Minister lugar di Mike de Meza. Den agenda di Parlamento 11 ‘or di mainta tabata tin programa reunion cu Aruba Paralympic Committee. Mientras e comision ya tabata presente den sala den Parlamento a drenta un peticion pa trata nombracion di Baba Herde pa mesun orario. Cu tristeza mester a mira con Presidente di Parlamento Sneek a duna opdracht pa pidi e comision bandona Parlamento sin a wordo scucha pa asina usa e mesun orario pa nombracion di Baba Herde.
Fraccion di AVP cu cara ZUUR ZUUR a chupa e pruim!
Parlamentario Endy Croes a sigui splica cu el a scucha AVP den nan kamber cu hopi discusion y finalmente algo pasa di 11 am nan a drenta sala cu un cara hopi zuur. Tanto Endy Croes y Edgard Vrolijk a cuminsa cuestiona primordialmente Otami y Heyliger kendenan ambos por a wordo encarga cu e posicion di minister. Con nan dos por aproba esaki? A reta ambos pa nan hiba palabra pero tur dos a keda cabes abou y no kier duna cara ni tabata contesta. AVP den totalidad hunto cu Futuro a bay di acuerdo cu e ‘gevoelens’ pa Staten cu nan ta di acuerdo y Pro Baba Herde pa e posicion di minister dilanti e propio hobennan di AVP den Parlamento. Manera a sera e reunion di Comicion Central aki Presidente Sneek a yama mesora un ‘Openbare Vegadering’ pa e aprobacion oficial. Sinta den sala di parlamento 11.45 am ta drenta un email cu e presidente ta yama e reunion publico pa 12 pm. Pues den 15 minuut na un manera relampago y na un manera dictactorial ta duna Parlamentarionan solamente 3 minuut pa hiba palabra cual normalmente ta 20 min of 30 minuut. Pues no tabata kier pa pueblo scucha e berdad.
AVP den totalidad a apoya Herde cu 4 tin pension y 74 aña pa Minister:
Parlamentario Endy Croes den su disertacion di 3 minuut a reta Heyliger y Otami pa nan hiba palabra. Sikiera felicita Baba Herde of bisa algo. Tur di AVP a sconde tras di silencio y no kier a papia. Reyes ta unico cu a bisa 3 palabra cu un cara cora cora. Decision di Partijraad! Croes a sigui splica con Mike de Meza cu mas di 1400 voto y Otami y Heyliger hunto cu 600 voto surpasando 2000 voto hunto den San Nicolas ta laga De Meza cay y San Nicolas na caya y ta apoya un pensionado di 74 aña cu 4 pensioen pa bira Minister dilanti di e hobennan. A recorda e hoben Parlamentarionan den sala con AVP a campaña cu un politica nobo y moderno y awe nan mes ta vota pa un “sapato bieuw” dilanti 9 otro hoben sinta den Parlamento. A bisanan awe boso lo chupa e pruim pa con zuur e por ta. Asina mes cu cara cora cora tur Parlamentarionan di AVP cu cara zuur zuur a chupa e pruim gritando “VOOR” pa Baba Herde bira Minister. MEP a opone totalmente pero Coalicion ta mayoria y a aproba e nombracion di Baba Herde di Companashi cu 0 voto pa representa San Nicolas como Minister. Credibilidad di Parlamentarionan di AVP sigur ta na suela. Un coalicion hopi ‘zwak Croes a termina bisando.
