Mike Eman a traciona su votadornan
Parlamentario Endy Croes a tuma nota cu masha hopi votador di AVP ta desgusta y desapunta cu nan propio Lider di partido esta Mike Eman. September 2017 e anochi di resultado di elecion AVP a bay atras cu 10 mil votos. Granparti tin di haber cu e corupcionnan miyonario. Mike Eman apesar como Lider el a wanta su votonan Mike Eman a bira emocional y durante su promer entrevista despues di elecion Mike a retira como Lider y a bisa cu AVP no lo forma ningun gobierno como cu el a perde e mayoria absoluto. Votadornan di Mike Eman a pensa cu semper Mike lo bay Parlamento pa asumi su responsabilidad. Alcontrario Mike Eman a dicidi pa bay biba den su penthouse cobrando un aña di overbruggingstoelage pues un aña di salaris sin duna ningun contribucion na su votadornan. Awe Mike Eman kier cuminsa campaña sin pidi su propio votadornan un disculpa. Hopi di votadornan di AVP cu nos a bishita ultimo dianan aki ta sinti nan desampara y totalmente laga na caya pero alaves nan ta sintinan hopi contento cu e bishita confirmando cu nan lo sostene e maquinaria geel e biaha aki. Alaves nan ta expresa nan apoyo firmemente na partido MEP y na Lider di MEP Evelyn Wever Croes.
Mike Eman a bay den welga di hamber enves di bay Hulanda:
Historia a mustra cu Mike Eman banda di a laga su votadornan na caya ta un Lider hopi zwak. Na 2014 Hulanda a duna Mike Eman y AVP un “KB” esta un Koninklijk Besluit como cu Mike Eman tabata malgasta placa di pueblo manera un “bari sin bom”. Enbes cu Mike Eman subi avion bay debati cu Hulanda na un manera proficional, Mike Eman a dicidi manera un mucha malamucha pa bay den welga di hamber y bati weya “ firma awor” dilanti cas di gobernador. Momento compara e dos Lidernan y caracter di Minister Presidentenan Evelyn Wever Croes y Mike Eman Bo ta mira e diferencia grandi. Durante Pandemia cu hopi precion di Hulanda Evelyn Wever Croes a subi avion bay Hulanda y a regla e problematica di Aruba. Pues esaki ta mustra hopi kla e diferencia di Lidera un pais entre Mike Eman y Evelyn Wever Croes. AVP a crea CRISIS den tempo di bonansa mientras MEP ta saca Aruba for di CRISIS den tempo dificil. Esaki ta hopi kla.
AVP cu hopi problema pa forma lista:
Mike Eman tratando na reactiva como politico ta confrontando masha hopi problema interno pa forma lista. Young professionals ta nenga categoricamente pa subi lista di AVP. Tronconnan di AVP ta exigi pa Benny Sevenger keda number 2 mientras un grupo kier “weg” Benny y no kier tende pa Benny bolbe riba lista. Benny “por” cay sera at any time y esaki tambe ta hungando cu hopi emocion den propio partido AVP. Basta hende a puntra con un Polis manera Robert Candelaria por defende AVP? Otro ta bisa sea e ta mes corupto cunan pero alaves ta bon cu el a bay for di cuerpo policial sino Husticia lo ta corumpi.
