Recientemente Bureau Integriteit Aruba (BIA) a organisa un seminario “Building Healthier Societies – why integrity matters” cu orador invita sr. Alejandro Salas di Transparency International.
Parlamentario Evelyn Wever-Croes a atende e seminario, y a expresa cu e seminario a wordo bon atendi y a ofrece hopi informacion valioso na esnan presente.
“Mi ta hopi orguyoso di a crea BIA y pone e fundeshi pa un Aruba mas integro. Mi ta hopi orguyoso tambe di BIA y tur e trabounan cu nan a bin ta desplegando den e aparato gubernamental pa preveni kiebro di integridad. Ta bunita pa mira cu loke tabata un vision na 2018, awe ta un realidad” parlamentario Evelyn Wever-Croes a duna di conoce.
