Parlamentario mr. Edgard Vrolijk (MEP): E prome barco crucero ta simbolo di speransa y recuperacion

0
35

Mañan pueblo di Aruba por sigui sinti e biento fresco di recuperacion di nos pais despues di e pandemia di Covid. Danki na e maneho hiba door di Gabinete Evelyn Wever-Croes Aruba ta riba e bon caminda di recuperacion. Y mañan e prome barco crucero lo drenta nos haf na Playa despues di mas cu un aña.

Maneho di Covid excelente

Gabinete Evelyn Wever-Croes hunto cu crisisteam cu nos expertonan local a sa di desplega un tremendo trabao pa percura pa mantene salud di nos hendenan y sigur a percura pa Aruba por a wanta e sla financiero-economico cu a bin cu e pandemia aki. Sigur e maneho di vacuna implementa pa Minister Dangui Oduber a haci e recuperacion di pais Aruba mas liher cu nos a spera.

Nos turismo riba bon rumbo

Nos turismo cu na maart 2020 a conoce un paro total ya den luna di mei 2021 a mustra un tremendo recuperacion unda mas cu 70.000 hende a bishita Aruba y ta mustra cu e cifranan aki lo keda aumenta. Y sigur mañan despues di mas cu un aña pueblo di Aruba por experencia e prome barco turistico cu lo drenta nos haf na Playa cual sigur ta trece alegria y speransa cu pronto Aruba ta riba su propio pia un biaha mas.

Pueblo di Aruba por ta hopi orguyoso di su Promer Minister y su gabinete completo cu a demostra di por maneha e situacion di Covid y unda awe e pueblo ta yena cu speransa cu cos mas pronto cu ta spera lo normalisa y cu Aruba un biaha mas por ta riba su propio pia.

LEAVE A REPLY

Please enter your comment!
Please enter your name here