Parlamentario Rocco Tjon a presenta pregunta 30 pregunta na Minister di Salud y Cuido di Adiccion, Señora Mervin Wyatt-Ras, y 50 pregunta na Minister Cicilia relaciona cu e intencion di Minister Wendrick Cicilia (Turismo y Labor) pa pone placa disponibel pa cuido di adiccion.
E preguntanan ta concentra riba e division di competencia entre ministerionan, coordinacion entre e dos minister, e posibel debilitacion di e stuurgroep GGZ y e consecuencia di e recorte anterior den e presupuesto pa cuido di adiccion. Tjon ta pidi splicacion tambe si e paso aki no ta “ondermijn” e autoridad di e minister responsabel pa e tema y si por wak esaki como un “brevet van onvermogen” na su persona.
Tjon a recorda cu Minister Cicilia a haya sponsor di e doño di un fundacion activo den e sector di cuido di adiccion. Esaki ta lanta pregunta serio tocante conflicto di interes. “Ta preocupante y inaceptabel cu e mes un fundacion aki, contra ken tin keho formal presenta na Inspectie y Ministerio Publico pa mal funcionamiento, kisas por bay ricibi placa den e iniciativa aki,” segun Tjon.
