Aruba no ta mara na e bestuurlijk akkoord
Durante un conferencia di prensa, parlamentario Rocco Tjon a enfatisa cu gobierno actual ta duna informacion incorecto riba e rijkswet. Segun oposicion, Gobierno ta sigui referi na e Bestuurlijk Akkoord y ta bisa cu Aruba ta โmaraโ na dje. Tjon a aclaria cu esaki no ta berdad.
Segun Tjon den punto 9 di e acuerdo ta para cla cu Aruba tin escogencia y no ta mara: โIndien de rijkswet (โฆ) niet conform planning tot stand worden gebracht wordt de rente weer verhoogd naar 6.9%.โ
Mike Eman mes a confirma na comienso di juli cu e negociacionnan politico apenas lo a cuminsa na augustus, y cu Aruba no ta mara na nada.
Poder ta na Den Haag
Tjon a enfatisa cu Parlamento di Aruba no tin ningun poder di desicion mas riba e rijkswet. Ta Parlamento di Hulanda lo ta e organo cu lo trata e ley, vota riba dje y por haci cambio por medio di amienda y mocion, mientras Aruba solamente por tende nan dicidi riba nos futuro y libertad. Cu otro palabra, e decision final riba e rijkswet ta wordo tuma na Den Haag y no na Oranjestad.
Pregunta critico
Pa finalisa Parlamentario Tjon ta haci e siguiente pregunta na e politiconan cu ainda ta defende e ley aki: โSi e rijkswet aki ta realmente asina bon pa Aruba, dicon boso no ta admiti cu boso mes a bay di acuerdo pa esaki y cu e ta โboso logroโ? Y kico ta e beneficio real pa nos pais?โ
