Ta importante pa subraya, segun Parlamentario Rocco Tjon, cu ningun departamento cu tin un rol den e ley di screening ta dicidi si un persona por bira minister si of no. Nan ta simplemente trece dilanti e hallazgonan y nan investigacionnan. E decision final ta keda na e formador, den e caso aki, Prome Minister, si e persona lo wordo proponi si of no. Esaki tambe a wordo confirma door di Departamento di Impuesto mes. Nan a indica, segun relatonan di e caso, cu nan no ta dicidi ken ta bira minister. Loke nan si a haci, y a haci esaki na dos ocasion caba, ta duna tur informacion y contesta tur pregunta cu e formador tabatin.
