Diaranson ultimo, Parlamentario Evelyn Wever-Croes tabata na aeropuerto pa duna un bon bini na e grupo di landandonan cu a participa na Carifta Aquatics Championship 2025 cu a tuma luga na Trinidad and Tobago. Por cierto, Parlamentario Wever-Croes tabata e unico representante di Parlamento presente. Di parti di Gobierno tampoco no tabata tin ningun representante. Pa su persona e tabata un gran honor di por tabata presente na yegada di e atletanan aki, mirando cu durante e competencia di Carifta tanto nos landadonan como esnan cu a competi den atletismo a logra un cantidad grandi di medaya, y esaki sigur ta un motibo grandi pa duna nan un bon bini y alabes gradicinan pa tur nan dedicacion y esfuerso pa engrandece deporte na Aruba.
Parlamentario Wever-Croes a expresa di ta sumamente orguyoso di cada un di e atletanan aki, pa tur nan esfuersonan haci pa logra tur e premionan aki y pa resalta nomber di Aruba un biaha mas riba nivel internacional.
Durante Gobernacion di Gabinete Wever-Croes hopi enfasis a wordo poni na deporte, pa asina crea oportunidadnan pa e hobennan desaroya mas den nan deporte preferi. Pโesey awe ta un orguyo pa mira e resultadonan aki cu a bin cu hopi amor y sacrificio.
โUn pabien na cada un di e atletanan aki pa logra resultadonan asina positivo pa pais Aruba. Tambe danki na e mayornan, coachnan, na e trainernan y tur esnan cu ta sostene nos atletanan. Nos ta creando atletanan pa futuro di Aruba. Aruba ta hopi orguyoso di cada un di bosoโ Parlamentario Wever-Croes a expresa.
