Un grupo grandi na Aruba tabata tin expectativa grandi ora a mira cu AVP FUTURO a bin cu un Minister di Relacion di Reino. E grupo ey a kere cu e mandatario lo a dedica su mes pa splica con e relacion di Aruba ta cu Hulanda, y cu lo a defende e autonomia di Aruba den Reino Hulandes. Sinembargo, grandi e sorpresa tabata ora cu diabierna siman pasa, Rijksministerraad na Hulanda a bay di acuerdo cu un Rijkswet cu e gobierno di AVP FUTURO a manda pa nan, tras di lomba di Parlamento y Pueblo.
Sin bisa Pueblo nada, e ministernan di AVP FUTURO a yega na un deal cu Hulanda cu ta mina autonomia di Aruba. Di e manera aki a bira bisto cu e Minister di Relacion di Reino, Gerlien Croes, den su prome salida, a entrega e autonomia di Aruba cu tanto e Pueblo Arubano a lucha pe. Sigur na vispera di e celebracion di 40 aña di Status Aparte di Aruba den Reino Hulandes, esaki ta un bofta y un baño di awa friu pa Pueblo di Aruba.
