Parlamentario y ex-Minister di Finansa, Xiomara Maduro, ta felicita pueblo di Aruba cu e subida historico di Aruba su rating financiero dor di S&P Global Ratings, di BBB+ pa A- cu perspectiva stabiel.
Maduro ta enfatisa cu e resultado aki ta un seรฑal cla cu Aruba su finansas publico a wordo maneha cu disciplina y vision. E ex Minister di Finansa ta enfatisa:โEsaki no ta casualidad. Esaki ta resultado directo di liderazgo fuerte y decisionnan responsabel di Gabinete Wever-Croes.โ
Segun e informe di S&P, Aruba a logra surplus fiscal, debe a wordo reduci significativamente, interes di debe a baha y confiansa internacional den Aruba a crece.
Desde 2022, mas cu 600 miyon florin di debe a wordo paga, poniendo Aruba den un posicion financiero mucho mas fuerte.
Parlamentario Maduro ta destaca, cu despues di e pandemia di COVID 19, Gabinete Wever-Croes a sa di restablece disciplina fiscal, controla gasto di gobierno y gana confiansa internacional.
โDen un momento dificil, nos a scoge pa lidera cu responsabilidad, y awe nos ta mira e resultado: un Aruba cu ta mas fuerte, mas stabiel y cu mas respet internacional. Si nos keda riba e rumbo aki, Aruba lo sigui avansa. Pero si disciplina fiscal wordo laga un banda, nos por perde tur e progreso aki.โ Maduro ta enfatisa.
E subida pa A- ta confirma cu Aruba tin un fundeshi financiero solido, y esaki ta danki na e politica consistente di Gabinete Wever-Croes, na e seriadad cu a atende cu e reto financiero, y e trabou haci den ekipo na bienestar di Aruba.
โHopi cu awe ta gaba cu e logro historico aki, tabata critica nos trabounan TUR dia, pero awe un biaha nan mester acepta cu ta demostra cu nos trabou ta keda duna resultado positivo pa Aruba,โ ta palabranan expresa pa Parlamentario y ex Minister di Finansa Xiomara Maduro.
