Parokia Santa Filomena durante cuaresma e aňa aki lo duna enfoke special na e tema principal di e Sinodo di Obispo 2021-2023 “Un Iglesia Sinodal – Canando Hunto”.
Sinodo di Obispo ta un asamblea di obisponan rond mundo hunto cu Santa Cede. E obisponan ta bini hunto pa haci estudionan comun di condicion di Iglesia pa di e manera aki alcansa solucion comun riba materianan di Mision di Iglesia. Cada dos aňa e obisponan rond mundo ta yega Santa Cede pa reuni den e Asamblea aki.
Sinodo di Obispo 2021 – 2023
Aňa pasa Papa Francisco a habri e Sinodo di Obispo riba 9 di oktober cu e tema principal “Un Iglesia Sinodal – Canando Hunto” cu un duracion di dos aňa. E sinodo aki ta uno historico pa Iglesia Catolico cu mas y mas ta duna contenido na Vaticano II. Pa prome bes den historia e Sinodo di Obisponan ta habri tambe pa e Pueblo di Dios sin distincion di rasa, religion, sexo, condicion social of civico hasta esnan no batisa catolico. E obisponan incluyendo Msgr. Luis Antonio Secco, a haya e mandato di Papa Francisco na oktober ultimo pa organisa Asamblea Sinodal den nan parokianan pa tur hende cu kier participa na e sinodo aki, wordo scucha y trece nan duda, inkietud, ideanan etc. padilanti. Den un forma di dialogo habri e asamblea sinodal den e parokianan lo wordo teni. E conclusion di e asamblea parokial lo wordo manda pa nos Obispado. Kende na su turno lo manda tur proposición pa Santa Cede.
Parokia Santa Filomena lo dedica e cuaresma aki na e tema particular aki; pa tur parokiano, cooperadonan y habitantenan di districto di Paradera en particular tin e oportunidad pa por expresa nan mes durante e proximo asamblea parokial.
Invitacion di Parokia Santa Filomena di Paradera
Pastoor Toti Fuentebella, Pastoor di Parokia di Paradera, na nomber di Comision Asamblea Sinodal Parokia Santa Filomena ta invita tur esnan interesa en particular e districto di Paradera pa participa na e Asamblea Sinodal Parokial. Diasabra 26 di maart cuminsando pa 8or di mainta na misa Santa Filomena na Paradera. Por haci bo(so) pre-registracion prome cu 17 di maart venidero via e siguiente e-mailnan: lopeshill@yahoo.com of scscargo_aua@outlook.com. Tambe na oficina na pastorie durante oranan di oficina.
Un invitacion special ta bay na un y tur pa participa na e diabiernanan di Caminda di Cruz cuminsando 6or di atardi den misa, sigui pa e SS di Misa y na e SS Misanan di diadomingo.
