Lucio Thijzen a sigui reacciona riba e atake haci dor di Patrick Paskel:
Dia 10 augustus 1977, mi tawata forma parti e peloton di Riot Commando di Cuerpo Policial Arubano, cu tawata staciona delanti warda di polis Oranjestad, es anochi ey.
Es anochi ey, tawatin un manisfestacion gigantesco delanti warda di polis Oranjestad. Esaki tawatin di haber cu e dos sindicalistanan cu tawata den detencion.
Dia 10 augustus 2022, den nan noticiero na Bo Guia, e dos periodistanan di 24-ora, falsamente a trece pa delanti cu mi tata d.f.m. den su calidad di un fundador di e partido Mep y den nomber di Mep, a bini padilanti, tenemi na mi brasa y a sacami for di e peloton di Riot Commando y cu mi a sigi mi tata.
Anto despues di un paar di dia, mi a bolbe presenta na trabao y cu mi a wordo tuma back den servicio.
Vaya, vaya, vaya. Ki mentira. Mi tata ta morto, plse boso laga mi tata sosega na paz.
Ningun momento, mi ta hura den nomber di Dios, cu esey ningun momento ta e caso. Es tempo ey, sr Leo Chance d.f.m. tawata Min. di Justicia pa P.P.A. den Gobierno Central di Antiyal. Y tawata un arche enemigo di partidoi Mep. Pueblo, bo ta kere cu si esaki en realidad a tuma lugar (cu mi tata a tenemi na mi brasa y a saca for di e peloton anto despues di un paar di dia mi a bai trabow back y mi ta wordu accepta).
Anto cu Leo Chance como Min. di Justicia. Unda e logica den esaki ta. Lo jamas mi a wordu accepta/tuma back na trabow como polis.
Speed/Patrick, pakiko tanto mentira asina. Loke cu ta duelmi ta, cu boso ta usa nomber di mi defunto tata pa lansa mentira. Ohalaaaaa, cu mi tata tawata na bida awe. Speed/Patrick, boso nan ta tata di mentira aki na Aruba.
