Den e ultimo simannan, partido FUTURO tabata den un interaccion activo cu e comunidadnan di Pos Chikito, Savaneta, Cura Cabai y San Nicolas. Cu su ekipo completo di candidato riba caya; tur profesional den nan respectivo campo, FUTURO ta busca di aporta un enfoke diverso y basa den e experiencia pa maneha e desafionan mas urgente di Aruba.
E reaccion di e habitantenan den e barionan aki tabata uno sumamente positivo. Personanan a ricibi calurosamente e representantenan di e partido, cu hopi habriendo nan porta di cas y invitando e candidatonan di FUTURO pa sinta comparti idea y propuesta. E acogida aki ta refleha un interes creciente den e vision y propuestanan di FUTURO pa un Aruba mas fuerte y resiliente.
E intercambionan a resalta e deseo di e comunidad di ser scucha y participa activamente den e construccion di nan futuro. FUTURO ta gradici e recepcion mustra y e combersacionnan valioso cu a hiba y ta fortalece e compromiso di e partido na sigura cu tur e bosnan den comunidad di Aruba ta representa.
E acercamento di FUTURO pa conecta cu cada comunidad ta parti di su mision di fomenta un dialogo inclusivo cu e Arubianonan di tur sector. E partido ta entusiasma di hiba su mensahe di speransa, resiliencia y progreso sostenibel na e barionan aki y comparti nan vision pa un miho futuro pa Aruba. FUTURO ta hasi un invitacion na un y tur pa join e siguiente anochi di informacion cu lo tuma lugar diaranson awor 13 di november pa 7.00PM na Centro di Bario Savaneta.
Pa mas informacion, sigui e cuentanan di media social di FUTURO riba Facebook y Instagram of bishita www.futuroaruba.com. Uni na na nos pa sigui traha hunto pa Aruba mas fuerte y uni.
