Movimiento Electoral di Pueblo (MEP) ta conmemora awe su 55 aniversario, marcando mas cu cinco decada di compromiso, lucha y amor pa Aruba.
Desde su fundacion dia 9 di februari 1971, MEP a concentra su bos y su accion riba e balornan cu ta forma su nucleo: e derecho di autodeterminacion, amor pa Aruba, participacion di pueblo, y husticia social.
MEP ta reconoce cu e caminda pa un Aruba mas fuerte y mas husto, ta sigui exigi determinacion y unidad. E partido ta reafirma su mision di sigui sirbi e interes di e pueblo, cu respet pa e democracia y e futuro di nos isla.
