Presenta pa Magaly Dijkhoff Arends y George Winterdaal
Awe diahuebs 28 di October pa 8or di anochi, Power FM lo inicia su programa di Pasco presenta pa Magaly Dijkhoff Arends conoci pa su programa caba na Power Fm esta DD Days y George Winterdaal cu pa hopi aña a labora na otro radio emisora y awor lo forma parti di e Power Rangersnan di Power Fm.
E programa aki “ PASCO CU NOS “ lo tin diferente seccionan masha interesante combina cu e dushi musica di Pasco y tambe cu entrevistanan y mensahenan di motivacion y speransa pa e temporada dushi aki.
E programa aki lo enfoca riba “ humanidad”. Riba e balor di famia. Nos kier enfoka riba e berdadero nificacion di Pasco. Tambe pa laga e oyente disfruta di dushi musica. Tambe lo tin premio pa nos oyentenan.
Magaly a expresa cu e ta contento cu e Proyecto aki cu lo trece un otro vibe den e temporada di fin di aña , mientras cu George a expresa cu e ta masha feliz di e reaccion cu e ta ricibi di su fanaticonan pa e cambio aki y manera semper lo presenta e programa cu hopi amor y dedicacion.
Magaly Y George ta invitabo pa sintonisa Power FM mañan anochi di 8 pa 10 y tur diamars y diahuebs di 8 pa 10 te cu dia 23 di December 2021.
Esnan cu pasa awe nochi cuminda den studio ta ricibi un dushi Cookie y Maga’s Ponche pa purba.
Nos ta desea Magaly y George tur clase di exito cu e programa “ Pasco cu Nos”
