𝐏𝐚𝐫𝐥𝐚𝐦𝐞𝐧𝐭𝐚𝐫𝐢𝐨 𝐌𝐚𝐫𝐜𝐨 𝐁𝐞𝐫𝐥𝐢𝐬 (𝐌𝐄𝐏) 𝐭𝐚 𝐫𝐞𝐚𝐜𝐜𝐢𝐨𝐧𝐚 𝐫𝐢𝐛𝐚 𝐌𝐚𝐫𝐢𝐬𝐨𝐥 𝐬𝐮 𝐝𝐞𝐜𝐥𝐚𝐫𝐚𝐜𝐢𝐨𝐧𝐧𝐚𝐧 𝐫𝐢𝐛𝐚 𝐑𝐀𝐟𝐭
𝑃𝑎𝑠𝑜𝑏𝑟𝑎 𝑀𝑎𝑟𝑖𝑠𝑜𝑙 𝑛𝑜 𝑎 ℎ𝑎𝑐𝑖 𝑠𝑢 𝑡𝑟𝑎𝑏𝑎𝑜 𝑐𝑜𝑚𝑜 𝑃𝑎𝑟𝑙𝑎𝑚𝑒𝑛𝑡𝑎𝑟𝑖𝑜 𝑑𝑒𝑛 𝑝𝑎𝑠𝑎𝑑𝑜, 𝐻𝑢𝑙𝑎𝑛𝑑𝑎 𝑚𝑒𝑠𝑡𝑒𝑟 𝑎 𝑎𝑐𝑡𝑢𝑎 𝑐𝑜𝑛𝑡𝑟𝑎 𝐴𝑟𝑢𝑏𝑎 𝑛𝑎 2015!

Mino por bisa cu mi tabata asombra ora mi wak e declaracionan politico di sra.Lopez-Tromp den prensa riba su pensamentonan con Gobierno ta tratando cu e negociacionan di RAft. Pa pueblo compronde con Raft a yega na nos porta, nos mester compronde e trayecto completo y kende tur a haci cu awe nos tur mester enfrenta e realidad aki. Tampoco ta bay ta un sorpresa pa pueblo cu net esununan cu awe ta grita cu pecho halsa, tabata net esunnan 𝒄𝒖 𝒂 𝒄𝒂𝒖𝒔𝒂, 𝒔𝒐𝒔𝒕𝒆𝒏𝒆 𝒚 𝒗𝒐𝒕𝒂 𝒏𝒂 𝒇𝒂𝒃𝒐𝒓 𝒅𝒊 𝒆 𝒑𝒓𝒐𝒄𝒆𝒔𝒐 𝒅𝒆𝒔𝒂𝒔𝒕𝒓𝒐𝒔𝒐 𝒂𝒌𝒊 cu awe Aruba ta contemplando un RAft.

𝗠𝗮𝗿𝗶𝘀𝗼𝗹 𝗮 𝘀𝗼𝘀𝘁𝗲𝗻𝗲 𝗔𝗩𝗣 𝗰𝗼𝗺𝗽𝗹𝗲𝘁𝗮𝗺𝗲𝗻𝘁𝗲 𝗽𝗮 𝗱𝗲𝘀𝘁𝗿𝘂𝗶 𝗔𝗿𝘂𝗯𝗮 𝘀𝘂 𝗙𝗶𝗻𝗮𝗻𝘀𝗮 𝗣𝘂𝗯𝗹𝗶𝗰𝗼
(1) Marisol Lopez-Tromp como Parlamentario y presidente di Parlament di AVP a sostene tur e deficitnan desastroso di Gabinete Eman I-II. 2010: Afl.188.6 miyon, 2011: Afl.325.2miyon, 2012: Afl. 443.3miyon, 2013: Afl.332.8miyon, 2014: Afl.405.8 miyon, 2015: Afl.184.6miyon… y asina Aruba a yega na 86.2% di su GDP na debe (ARA, CAFT, IMF).
(2) Marisol Lopez Tromp como Parlamentario di AVP a sostene, aproba, y apoya e Gobierno corupto di AVP y asina Hulanda mester a interveni pa introduci CAft pa via di nan maneho desastroso. Asina supervision financiero di Hulanda a yega Aruba.
(3) Marisol Lopez-Tromp a sostene desaster, pesey e ley di supervision financiero a bin, esta e LAf, ademas di un KB.
(4) Marisol Lopez-Tromp a sostene e proyecto ‘Bo Aruba’ di AVP, cu despues a wordo critica y husga pa Algemene Rekenkamer como un proyecto devastador, maneha iresponsabel, sin por hustifica unda 1.6 biyon florin a bay, 𝟏.𝟔 𝙗𝙞𝙮𝙤𝙣 𝙛𝙡𝙤𝙧𝙞𝙣! No tabata tin control y e rapportnan a sali devastador pa Gabinete Eman, pero asina mes Marisol a vota VOOR!
(5) Marisol a aproba pa Gabinete Eman bay di 7 pa 9 minister!

𝗠𝗮𝗿𝗶𝘀𝗼𝗹 𝗟𝗼𝗽𝗲𝘇-𝗧𝗿𝗼𝗺𝗽 𝘀𝘂 𝗽𝗼𝘀𝗶𝗰𝗶𝗼𝗻 𝗿𝗶𝗯𝗮 𝗥𝗔𝗳𝘁: 𝗘𝗡𝗧𝗥𝗘𝗚𝗔 𝗦𝗜𝗡 𝗡𝗘𝗚𝗢𝗖𝗜𝗔!
Marisol a saca un articulo ultimo aki den cua e ta declara algun punto central:
(1) “𝐺𝑜𝑏𝑖𝑒𝑟𝑛𝑜 𝑛𝑜 𝑘𝑖𝑒𝑟 𝑠𝑢𝑝𝑒𝑟𝑣𝑖𝑠𝑖𝑜𝑛 𝑓𝑖𝑛𝑎𝑛𝑐𝑖𝑒𝑟𝑜.” Ma sra.Lopez-Tromp, kico CAft y LAft ta anto? Nos ta pro supervision financiero, sigur despues cu ABO mes a canta den coro VOOR pa e desastre financiero mas grandi den historia di nos pais! Esaki hamas por bolbe sosode!
(2) “𝐺𝑜𝑏𝑖𝑒𝑟𝑛𝑜 𝑚𝑒𝑠𝑡𝑒𝑟 𝑠𝑒𝑔𝑢𝑟𝑎 𝑐𝑢 𝑛𝑜𝑠 𝑔𝑒𝑛𝑒𝑟𝑎𝑐𝑖𝑜𝑛 𝑓𝑢𝑡𝑢𝑟𝑜 𝑡𝑖𝑛 𝑢𝑛 𝑠𝑖𝑡𝑢𝑎𝑐𝑖𝑜𝑛 𝑚𝑖ℎ𝑜 𝑎𝑘𝑖 𝑛𝑎 𝐴𝑟𝑢𝑏𝑎”. Ma bon, esey tabata Marisol su pensamento como Parlamentario di Mike Eman, ora bo a aproba 2.4 biyon florin na deficit? Bo tabata preocupa pa nos generacionan ora ba grita voor pa redobla nos debe nacional y manda nos pais bancarota?
(3) “𝐺𝑜𝑏𝑖𝑒𝑟𝑛𝑜 𝑡𝑎 𝑘𝑒𝑟𝑒 𝑐𝑢 𝐷𝑒𝑛 𝐻𝑎𝑎𝑔 𝑡𝑎 𝑆𝑖𝑛𝑡𝑒𝑟𝑘𝑙𝑎𝑎𝑠.” No Marisol, Gobierno ta luchando pa haya derecho igual mescos cu Corsou y St.Maarten a haya kwijtschelding. Ta negociando pa varios punto cu ta importante pa e pais logra den un acuerdo pa cu e ley. Ta luchando pa e miho acuerdo posibel pa nos pais. Algo cu abo nunca lo por compronde y nunca a haci.
(4) “𝑃𝑎𝑟𝑙𝑎𝑚𝑒𝑛𝑡𝑜 11 𝑡𝑎 𝑚𝑢𝑑𝑜.” No, nos ta trahando. Pa ta entreguista di bo mesun patria sin negocia ta un berguensa. Nos a formula preguntanan y ta batayando pa logra lo miho pa Aruba, algo cu abo a haci net opuesto. Ba entrega nos na Hulanda desde 2015! Enbes ba haci bo trabao como Parlamentario bo a obliga Hulanda cay aden. Ta bisto sra. Lopez-Tromp cu abo nunca, pero nunca a lucha pa Aruba y hamas lo cuminsa haci esey tampoco. Awe un biaha mas ba keda desenmascara! Marisol ta prefera “entrega sin negocia!”

FraccionMEP #ConectaCuNos #MarcoBerlis

@Marco Berlis