Nos Dios ta un Dios responsabel pa su pueblo, y Dios a laga instruccion pa nos sa kico nos tin di haci den tempo dificil, con nos por yega serca Dios y haña ayudo pa nos sali pa dilanti.


Den 2 Cronicanan Capitulo 7 vers 14+15 ta para scirbi: Y si Mi pueblo cu ta wordo yama na Mi nomber,Humilia nan mes y haci Oracion,y busca Mi Cara,y bira for di nan Mal Camindanan , e ora ey lo Mi tende for di cielo,lo Mi pordona nan Pica y Sana nan Tera. Awor Mi wowo ta habri y Mi horea ta atento na Oracion haci den e lugar aki.
Prome paso : Nos mester humilla nos mes dilanti di Dios, pone orguyo y arogancia un banda, pordona, stop di persigui otro, stop di papia malo di otro , trata tur hende manera bo kier pa nan tratabo (Lesa proverbiona 6 vers16-19), stop di pensa cu bo ta mas cu otro hende, tur esey ta nifica humilla nos mes dilanti di Dios.


Di dos paso : Haci oracion, sin oracion ta imposibel comunica cu Dios, un bida sin oracion ta un bida bashi, ta nos oracion ta mustra Dios nos necesidad, den oracion nos ta mustra Dios cu nos ta confia cu E ta Todopoderso y cu nos ta depende di Dios.
Nos mester haci oracion y gradici Dios pasobra e ta cumpli cu su promesa.


Cielo y tera por pasa mas Dios su palabra lo permanece pa semper.
Di tres paso: Busca mi Cara, esey Señor ta bisa pa nos comunicacion bira constante, pa Dios por dirigi nos pasonan, pasobra E so por libra nos for di peliger (Salmo 91 vers 3).


Dios kier pa nos por depende di Dje tur momento.Busca su cara tambe ta siña pa nos tin Amistad cu Dios, esey ta nifica cu si nos ta hala serca Dios y Dios ta hala serca nos ( Juan 15 vers 5).


Di cuater paso: Bira for di mal caminda, Arepenti, Aparta y entrega bo bida na Hesus Cristo, stop di biba den pica, aparta di maldad, stop di murmura, sali for di bida inmoral, sali for di inhusticia, no biba bao di integridad falso.
Bo no por cana den dos caminda, bo no por come na mesa di Dios y cana den conseho di malvado y sinta riba e stoel di hende cu ta haci bofon di Dios. ( Salmo 1 vers 1)


Ora nos cumpli cabalmente cu e 4 punto nan aki , Dios a priminti nos cu E lo tende for di cielo, esey ta nifica cu nos obedencia y nos Fe ta move man di Dios.


Dios ta wardando riba su pueblo pa actua, pa manifesta den oracion, pasobra hopi hende por papia, pero poco hende por haci, esey ta e diferencia entre Dios y hende, pasobra Dios ta Todopoderso, e tin tur cos den su man y nada ta imposibel pa Señor.
Haciendo esaki nos isla lo lanta bek , pasobra Señor lo Sana nos Pais.


Sinceramente,
Pastor Marcel Balootje.

LEAVE A REPLY

Please enter your comment!
Please enter your name here