Matrimonio a wordo institui a Dios y e mester wordo respeta, matrimonioa no ta simplemente un relacion entre un homber y un muher, pero e ta entre un homber y un muher y Dios.
Pesey Dios su palabra ta bisa den Genesis Capitulo 2 vers 24 : Pesey un homber lo bandona su tata y su mama y lo uni cu su esposa y nan lo bira un carni.
Tambe e Palabra ta bolbe recorda nos cu locual Dios uni no laga ningun hende separa.( Mateo 19 vers 6).
Nos ta bolbe lesa den e buki di Hebreonan Capitulo 13 vers 4 : Laga matrimonio wordo honra pa tur hende, y laga e cama matrimonial ta sin mancha, pasobra Dios lo huzga fornicador y adulteronan.
Advertencia cu Dios ta duna mester tin un motibo pa nos bienestar, mescos cu den trafico bo ta haña e borchi di verboden.
Pasobra tras di infieldad den matrimonio, porta ta wordo habri pa demoño, cual lo drenta den famia, y lo no stop di destrui, te ora arepentimemnto yega na curazon di e pareha,
Hopi biaha hende ta pensa ci divorcio lo para e e infieldad, pensando cu si nos no ta hunto mas , tur cos a caba , e no ta asina , si nos no arepenti y pidi otro pordon nos lo sufri consequencia, y nos yuinan tambe lo participa den den dje.
Matrimonio mester wordo honra tanto pa esnan di aden como esnan di afor, pasobra un hende cu pensa na kibra matrimonio di otro, no ta respeta Dios ni tampoco e tin respet pa su prohimo.
Adulterio ta trece hunto cune , mentira, violencia, desorden , rechaso, division, divorcio, pero despues di eseynan e cos no a caba, pasobra persecucion , rabia, amargura, trauma pa yuinan a drenta.
Infieldad ta kibra locual Dios a establese, y den un palabra ta haci bofon di Dios, y caminda ta haci bofon di Dios e Spirito di Dios ta aparta for di e hendenan aki te na momento cu nan arepenti y pidi Dios pordon pa locual cu nan a haci.
Hopi hende cu ta haci wega cu nan matrimonio.no sa kico nan ta causando, dicon cos ta bay malo pa nan, dicon tin tanto discucion y rebeldia den cas, dicon yuinan ta cohe caminda robes.
Ora hende mishi cu locual ta sagrado, y kibra of cambia locual Dios a establece nan lo tin di duna cuenta na Dios.
Y e ta bira algo cu bo no por contene pasobra bo a bay contra e palabra di Dios..
Un biaha mas nos ta bolbe bisa , cu tin hende ta kere cu ta wega, si. nan tin mas muher of mas homber huntu cu nan esposa of esposo, cu esey ta haci nan super homber of super muher, pero alcontrario e asunto aki ta ta un bida di berguensa tanto den bista di Dios como den bista di esnan cu tin temor di Dios.
Nos ta para dilanti un crisis social cu no por wordo resolve cu placa, pero cu lo drecha ora nos trece bek e norma y balornan , cu nos a tira afo door di materialismo, dureza di curazon y orguyo.
Laga nos bay bek na e amor y respet berdadero, y asina nos yuinan por mire y crece den dje.
Dios ta haci un yamada, pa e fieldad matrimonial wordo poni bek na su lugar.
Sinceramente,
Pastor Marcel Balootje.
