Bo tabata sa esey? Dios no kier pa ningun hende bay perdi, pero pa tur hende yega na arepentimiento.( 2 Pedro 3 :9)
E condicion pa nos por drenta cielo ta cu nos ta arepenti di nos picanan, y acepta e regalo di bida eterna.
Cual ta e regalo di bida eterna:Romanos Capitulo 6 vers 23 : Pasobra e pago di pica ta morto, ma e don di gracia di Dios,ta bida eterno den Cristo Hesus nos Señor.
Pesey Dios a duna nos e opcion aki i ( Juan Capitulo 3 vers 16+17 ) Ta bisa nos : Pasobra Dios a stima e mundo asina tanto cu E a duna Su Yiu unigenito , pa ken cu kere den djE no bay perdi ma tin bida eterna. Pasobra Dios no a manda e Yiu den mundo pa condena e mundo, ma pa e mundo wordo salba door di djE.
Romanos capitulo 10 vers 9 ta bisa: Cu si bo confesa cu bo boca Hesus Cristo como Señor y kere den bo curazon cu Dios a lante for di mortonan lo bo ta salba, pasobra cu curazon hende ta kere pa haña husticia y cu boca e ta confesa pa haña salbacion.
Esaki ta un decision propio cu ta den man di cada ken cu ta desea di comberti y biba pa Dios y bay cielo serca papa Dios, ora nan fayese, pa asina nan tin bida eterna .
E caminda smal ta e caminda cu ta hibabo na salbacion e caminda hancho ta hiba na perdicion.
Serca hopi hende e luz di Señor cual ta Su palabra a yega, pero nan ta prefera keda den scuridad.
Tin hopi ta rechasa Dios, pasobra e boluntad di Dios no ta atractivo pa nan,e no ta cuadra cu nan forma di biba, tin hende cu no kier bandona e forma di bida inmoral, pasobra ta den esey nan tin un Felicidad falso.
Pero Dios den su misericordia y compassion a manda su yiu Cristo Hesus pa muri na cruz pa nos picanan, pasobra Dios sa cu nos no por yuda nos mes, pesey E a duna nos e Unico opcion pa scohe pa Cristo, pa nos no bay perdi.
Tur hende cu kier yega serca Dios mester pasa pa medio di Hesus Cristo pasobra E ta e mediador entre Dios y hende.
Si nos nenga Cristo aki na tera , E tambe ta nenga nos dilanti di Su Tata cu ta na cielo.( Mateo Capitulo 10 vers 33).
Si nos confesa nos picanan Dios ta fiel y husto di pordona nos nos picanan y limpia nos di tur inhusticia ( 1 Juan 1 vers 9).
Aki nan nos por compronde cu tur hende ta bonbini serca Dios, pero mester acepta e regalo di bida eterna cual ta kere den Hesus Cristo como bo Señor y Salbador, esaki ta sosode ora den tur libertad bo entrega bo bida na Hesus . Ningun hende por hacie pa bo, tur cos ta den bo man,(Revelacion capitulo 3 vers 20).
2 Corintionan 5 vers 17 ta bisa , Pesey si un hende ta den Cristo ta un criatura nobo e ta y cosnan bieuw a pasa caba , ata tur cos a bira nobo.
Sinceramente
Pastor Marcel Balootje.
