Diasabra dia 3 di juni binidero, Pastoral Hubenil Aruba (PHA) lo tene su di dos Bingo pa recauda fondo pa e hobennan di diferente parokia cu a inscribi pa bay representa Aruba na e Hornada Mundial di Hubentud (HMH) of Jornada Mundial de la Juventud (JMJ) 2023 na Portugal na juli/augustus. Bingo Aruba cu semper ta cla pa yuda nos hubentud ta encarga cu e Bingo aki, cual lo tuma luga pa 7:00 pm via canal 48 di Diario TV, fb Bingo Aruba y radio emisora Mas Fm 105.1
Papa ta organisa e hornada aki pa e hobennan di diferente pais di mundo por topa otro, intercambia cu otro, haci trabou den comunidad y por reuni cu ne.
Si bo ta desea di yuda nos hobennan cubri nan gastonan pa representa Aruba na Lisboa y topa cu Papa Francisco, bo por cumpra bo carchi (buki) di Bingo na balor di f.10,- na entre otro: Shiribana Bingo Center na Shiribana, na Paradera y Queen Euro Bingo Center, na Noord. Fuera di e premionan di e dies weganan, tin e doorprize grandi di un Weekstay pa cuatro persona na Orlando, Florida.
Esaki ta e ultimo siman cu por cumpra carchi/buki di Bingo pa coopera cu PHA cu e ultimo actividad pa recauda fondo. Pa carchi (buki) di Bingo por tuma contacto cu Mirla via WhatsApp 565-7176, Reginald cel 593-6066 of cualkier hoben cu ta forma parti di e delegacion. Por puntra pa nos cuenta bancario pa haci transaccion of si ta desea di haci un donacion, esey semper ta posibel y ta mas cu bonbini!
