Recientemente, Pastoral Hubenil Noord (PHN) a haci entrega di e premionan di nan Rifa di Fin di Aña y esaki a tuma luga den Centro Apostolico Sta. Anna.
E resultado di e rifa ta manera ta sigui.
Prome premio: nr. 0701, un gift card di Super Food Plaza. Sra Hilie Molina a gana esaki y a comparti su premio cu hoben Daniel, kende a bend’e e rifa. Tambe e tabata hopi contento cu su premio y a comparti cu Asistencia Social Noord.
Di dos premio: nr 0472, un gift card di Do it Center. Esaki a ser entrega door di Diana na representante di Elite Productions.
Di tres premio: nr 1236, un gift card di Cheng’s Supermarket. Representante di Sra. Glenda Tromp a ricibi esaki for di hoben Uchenna.
Gradicimento ta bay na un y tur, cu di un forma of otro a coopera cu e rifa aki. Masha danki!
