Carlos a keda traha 7 luna largo na 24Ora
Dia 17 di September, Carlos mes a bay, pero nunca a wordo suspendi of kita
E realidad di Patrick Paskel ta completamente otro cu e kier laga pueblo kere. Na luna di Februari 2021 tabatin un persona cu ta traha na 24Ora, un tal Carlos, cu a wordo denuncia pa un mucha, kende a bisa di a wordo mishi.
Henter Aruba tabata sa di e caso ey. Patrick Paskel a gaña den su programa di radio cu el’a haya holo, y el’a weg Carlos. Esey no ta berdad. Carlos a traha te dia 17 di September 2021 y Carlos a bisa di a yega na un acuerdo. Pues, nunca el’a wordo suspendi ni kita di trabao.
Esaki ta e puro berdad. Nos lo limita nos mes di sigui bay den e caso aki, pero e berdad mester wordo bisa!
Tin hende na Aruba cu ta chikito, pero ta sinti nan grandioso. Ta un malesa lamentablemente di narcismo. Ta hendenan cu ni maske con malo nan actua, semper nan ta nenga y ta draai e storia. Mentiroso patologico.
Esaki ta pasa ora cu hende kier punta dede riba otro, yamando otro pa pro pedofiel, pero e berdad mes ta rementa den nan cara.
Hecho ta cu NUNCA Patrick Paskel a suspende ni kita Carlos. El’a yude, el’a coopera, el’a wante na trabao, el’a keda paga un persona cu acusacion di pedofiel, y tur esaki pa 7 luna largo.
No ta intresa nos unda of cu ken el’a bay traha despues! Loke ta conta aki ta ki paso abo a tuma ora e noticia a yega cerca bo.
Bo a keda paga un persona cu keho di abusador! Pues, awe abo no ta esun yama pa punta dede riba otro! Sigur NO ora cu otro a tuma desicion corecto y contudente y mesora.
Si encaso nos mester amplia mas riba e caso aki, nos lo sigui y lo trece fechanan concreto dilanti cu hopi mas prueba, pa mustra e narcista Paskel, con mentiroso e ta.
