Patrick Paskel di Tera Group a cobra Afl.10,918.78 pa huur di Toilets portatil

0
1289

Parlamentario Endy Croes: Patrick Paskel a bira experto den Chupa Pos!

Patrick Paskel di Tera Group a cobra Afl.10,918.78 pa huur di Toilets portatil

Parlamentario Endy Croes a splica cu diabierna pa 3pm atardi  ultimo Promer Minister di Aruba a bishita Parlamento di Aruba pa oficialmente entrega e rapport forensico cu a wordo traha riba e disaster cu a tuma lugar den RDA. Durante fin di siman a probecha cumisa lesa un rapport di 170 pagina. Locual a cay manera un bom ta dos aspecto. E capitulo con Patrick Paskel di Tera Group a cobra na un maneraq structural 500 mil esta mei miyon di placa di RDA sin cu refeneria nunca a habri y alaves un otro capitulo dedica na Richard Arends di AVP kende tambe a strica 500 mil florin na un manera bochornoso. Nos lo sigui splica pueblo den dianan nos dilanti poco poco ta kiko a pasa exactamente den RDA pa e malechornan Patrick Paskel, Richard Arends y tur cu bendicon y cooperacion di Mike Eman y Mike de Meza.

/// Pattrick a bira expert den chupa pos:

Por a tuma nota cu Patrick Paskel di Tera Group ta un comerciante cu no kier laga nada pa otro. Den e rapport forensico cu a wordo traha riba e modis operandi den RDA a Sali na kla e berdadero cara di Mike Eman, Mike de Meza, Patrick Paskel y Speed Andrade. E ultimo dosnan ta esnan cu tur merdia kier lastra tur hende (politiconan di MEP) nan nan antoho na canal 90 e radio di Leoncita Arends esta Leoncita actor principal den caso Avestruz. Mientras Ministerio Publico ta cu man jen terminando e investigacion Avestruz unda muy probablemente “hoofdrol” Benny Sevinger di AVP lo wordo lanta un ora pa otro den un caso miyonario di corupcion cu terenonan di gobierno, ata un otro rapport a keda kla. Den e rapport por a tuma nota di un incoice unda Patrick Paskel y Teragroup a cobra un suma di Afl.10,918.78 pa huur RDA toilet pa un evento. Con hende por tin curason pa factura prijs abnormal asina? Con por pasa den Bo cabes pa ranca placa di pueblo e forma aki? Ni cu e cos ta di “oro”. Patrick na su turno ta paga e homber chiquito cu ta doño di e compania di “chupa pos” prijs normal cu ta Afl.100 pa toilet y ta retene e resto pa su cartera. Awor investigacion penal mester bay tambe riba esnan cu a aproba, coopera y eherse e pagonan aki. Mayoria  secretarianan eyden a sali di oficina di ministernan  di AVP y bay busca siguridad eyden pa salario astronomico. Richard Arends mes tabata tin acceso pa eherse pagonan online. Pues awor Patrick Paskel a slaag y bira experto  den “chupa pos”. Wel un ta cos.  Nos lo entrega keho oficial na Ministerio Publico pa determina cu exactitud con e placanan aki a core. Interesante pa explora si Fundacion Mike Eman cu a ricibi transferencianan di 50 mil dollar di Roberto Rincon tabata ricibi transferencia di e bolonan aki y di Teragroup. Keda pendiente!

LEAVE A REPLY

Please enter your comment!
Please enter your name here