Diahuebs 7 di September 2023, Patrick Paskel lo mester presenta dilanti huez, pa su noticianan falso cu el’a trece contra Minister Rocco Tjon.
El’a haya un carta di abogado p’e rectifica su noticia falso, pero el’a hasi peor. El’a zwaai cu un papel indicando cu e tin prueba y el’a reta Minister Tjon pa hibe corte.
E noticia falso ta manera un telenovela, cu yen ponencia falso.
Rocco no ta envolvi den caso di Ruman di Patrick cu a menasa famia cu arma:
Segun Patrick Paskel, cu Rocco Tjon tabata sospechoso y deteni den caso unda su ruman homber Ronald Paskel y su casa a drenta cas di hende na Sabana Basora, den forma di atraco, ilegal, sin permiso di husticia, y a apunta pistol na cabes di hende y menasanan enbusca di un brommer horta di nan colega polis.
E noticia falso ta sigui bisa cu un di e polisnan aki, kisas Ronald Paskel a soborna algun colega polis pa cambia e raport policial
Y cu ex Minister Andin Bikker a cambia ley di screening pa fix Rocco, unda a saca e screening for di VDA, mande pa KPA pa asina e casa di Rocco, sconde e hecho y pa asina Rocco por a bira minister. E parti essential di e noticia falso treci pa Patrick Paskel ta cu Rocco no por ta minister.
Un novela hopi inventivo y creativo cu solamente por pasa den cabes di Patrick Paskel, cual ta wordo motiva pa e hecho cu desde 2017 su persona no ta cobrando mas 10 miyon di pueblo.
Minister Tjon ta exigi rectificacion pasobra hamas y nunca e tabata sospechoso den e caso unda Ronald Paskel ta envolvi.
No tin y no ta existi ningun prueba, peor e documento cu Paskel a zwaai, pa laga su audiencia kere cu ta prueba valido pa sostene su ponencia.
Ademas, Ministerio Publico a emiti un comunicado pa informa cu loke Paskel a trece dilanti ta noticia falso y ta un telenovela completo.
Ley di screening nobo:
E ley di screening nobo a drenta na vigor dia 1 di januari 2022. Pues Rocco Tjon a pasa screening segun e ley di 2013.
E ley di screening nobo, no ta Andin Bikker a lage drenta na vigor. Ta Rocco mes a traha riba e ley di screening di minister nobo. E no ta kita ningun poder, alcontrario e ta duna MAS poder pa MAS screening. No a sake di VDA mande pa KPA, esey ta falso.
E la keda bao di PG, y a duna PG mas poder pa laga screen hasta cu KPA. VDA a keda cu su mes un poder.
Pues, dia 7 di September, Patrick Paskel mester carga tur su pruebanan hiba corte y bay splica huez dicon el’a trece noticia falso riba Rocco.
Patrick Paskel tin hopi mas caso den corte contra su persona, entre otro contra varios compania cu e debe miles y miles di florin, unda ela book propaganda pa Digicel, Elmar, Utilities, RDA, y varios otro mas, a haya e placa di tur e companianan aki, pero no a paga su cuentanan.
30 keho penal contra Patrick Paskel pa noticia falso
Ademas tin como 30 keho penal contra Paskel, pa a trece noticia falso riba cuidadanonan, cual tur keho ta serca PG pa cual e mester dicidi si e ta bay atende nan, sino e cuidadanonan por bay den beroep si nan sinti cu nan kehonan no ta wordo atendi.
Paskel y Speed posibel sospechoso den caso polis Vos
E caso di polis Vos tambe ta keto bay den investigacion unda posiblemente Patrick Paskel por ta sospechoso principal cu a soborna polis Vos como doño di 24Ora. Den un aparato cu husticia a kraak, a descubri miles di mensahe cu a wordo manda pa varios personanan, unda tabata soborna e polis. Vos a cumpli 5 luna cera na KIA.
