Huez a dicta sentencia:
*** Patrick Paskel y Nelson Andrade mester rectifica tur nan storianan falso riba Rocco
Diaranson merdia sentencia a cay. Huez a dicta cu Patrick Paskel y Nelson Andrande mester rectifica tur nan storianan falso cu nan a trece dilanti dianan 1 y 2 di Augustus 2023 den nan programa di radio y di facebook.
E dos riolistanan a haya ta bon pa bay trece noticia falso, culpando Rocco di cantidad di cosnan cu no ta basa riba berdad. Segun nan, cu Rocco a tuma placa pa asina pasa informacion, y pesey Rocco tabata sospechoso y a wordo interoga pa landsrecherche.
Nada di esey nan no por proba y no a trece prueba. Ni e papel cu nan a zwaai cune, indicando cu te prueba, tampoco nan no a trece corte. Manera SOLO DI PUEBLO a bisa nan a bay corte man bashi.
Huez a pone un multa pisa riba nan cabes, di 5000 florin pa cada dia cu nan no rectifica te cu 75 mil florin, pa cada un. Pues si encaso nan keda sin rectifica, nan lo mester paga Rocco 75 mil cada un pa un total di 150 mil florin.
Dje forma aki tambe poco poco ta cuminza frena e rioolistanan aki, cu tur dia ta lastra hende, ta lastra henter Aruba na nan antoho.
SOLO DI PUEBLO desde Augustus caba a trece dilanti cu loke nan ta bisando ta mentira.
Di masha tempo caba nan ta broma cu nan ta invicto, y cu no tin ningun hende pa gananan na corte. Ata nan dia a yega atrobe, unda nan mester bolbe rectifica. No ta promer ves cu nan ta perde caso den corte. Ta cantidad di ves caba cu nan ta perde caso y mester rectifica.
Pabien Rocco! Nos tabata sa cu tur nan motivacion ta simplemente odio politico y kisas nan tin pura pa AVP bolbe bek na poder pa nan sigui chica placa di pueblo. No mag lubida cu Patrick Paskel pa 10 aña largo a cobra 10 mil dollar pa luna for di Lotto. Esta biba dushi!
