Den e utimo dianan, Patrick ta yena su boca cu e palabra di “mala paga” y ta yama otro hende pa “mala paga”. Pero kiko ta e significacion real di e palabra ey?
Un persona “mala paga” no ta simplemente un hende cu no kier paga su debe. E ta un hende cu no tin ningun intencion pa cumpli cu su compromisonan financiero.
Den e caso di Patrick mes, pa añas largo e tabata debe nos corant basta hopi placa. Ni con a cobre, nunca e kier a cumpli cu su pago. Mester a contrata e abogado renombra Gabri de Hoogd, pa cuminza un caso contra Patrick. Asina el’a logra paga su debe, despues di hopi aña, solamente pa evita di bay corte. E pregunta ta: si e no a paga durante tanto tempo, kende mas e lo por debe?
Prome di yama otro hende “mala paga”, e mester mira su mes den mes spiel. Bo ta sigur cu bo mes no tin ningun debe? y conta cu belasting? Ta importante pa trata tur hende cu respet y no hasi acusacion sin motibo. No purba na rebaha otro hende, difama otro hende, siendo cu abo mes no ta un bon ehempel di bo actonan.
