E siman aki nos a tuma nota di fayecimento di un gran Baluarte riba e tereno di Cultura y Literatura: Señor Pedro Ramon Velasquez. Sr. Velasquez d.f.m., tawata docente di Spaño na Colegio Aruba entre e decadanan 1970 pa 1990. ‘Co-fundador’ di Fundacion Lanta Papiamento, (FLP). Un luchador ferviente di nos idioma materno: Papiamento. Tambe e tawata orador specialisa den nos idioma den diferente conferencia. Semper el a defende nos idioma materno.
Sr. Velasquez a traha incansabelmente pa duna Papiamento mas realse y salvaguardia e bon uzo y existencia di nos idioma materno. El traha riba lista di palabra, regla di otorgrafia, y hopi importante el a presenta esakinan den Parlamento di Aruba, pa asina pasa ley di otorgrafia pa asina esaki keda na vigor.
Tambe Sr. Velasquez d.f.m., a yuda revisa e “Manual di gramatica di Papiamento’. Banda di esaki el yuda desaroya material pa educacion di Papiamento, por ehempel “Cristal” un metodo pa siña Papiamento conforme e reglanan existente. Tambe el a duna les por ehempel, di Traduccion den estudio di Bachelor Papiamento, na Instituto Pedagógico di Aruba.
Sr. Velasquez, df.m. un musico di “quinto o conga”. Cu tawata deleite un y tur. Tambe ta conoci come ex sindicalista, entre otro di SIMAR, sindicato di Maestronan.
Un aportador grandi na desaroyo di Papiamento, Idioma y Literatura local y sostenedor di nos Cultura. Cu Sr. Pedro Ramon Velasquez, sosega den Brasa di Señor.
Departamento di Cultura Aruba (DCA) y Ministerio di Cultura, ta extende su mas sincero palabra di condolencia na casa, yuinan, yuinan di criansa, Rumannan, demás Famia- y amistad, y ex coleganan di di Sr. Velasquez.
