E pelicula di productor local Angel Soto, esta BLACKOUT, a sera aña 2022 cu otro prestigioso premio. Durante di e Northeast International India Film Festival (NIIFF) 2022, e pelicula BLACKOUT, a gana e premio di Best Feature Film di 2022.
Tawata den september 2022, cu e pelicula tawata estrena. E storia tawata di e reportero “Juancho” cu a trata di alerta autoridadnan local cu Aruba tawata na punto di ta ataca pa Alemannan. Ningun hende a kere.
E premio aki tawata e di dos galardon cu BLACKOUT a ricibi.
Na India tambe BLACKOUT a gana e premio di miho pelicula Internacional durante di e “International Lake City Film Festival” 2022.
Aruba por ta orguyoso di tanto e actornan, productor y tur esunnan cu a traha pa haci BLACKOUT posibel. Aruba ta chikito den tamaño, pero cu talento grandi.